Les alcordances tienen cuasi siempres el sabor agriduz de la torna, esa afirmacion permanente y ensin reserves de la vida presente al travies de les vivencies pasaes. Son precisamente estes alcordances unu de los exes qu’inspiren el programa «Conoz y vivi el to patrimoniu», que tien por oxetivu poner en valor el patrimoniu cultural de Llaviana.
Una de les rutes qu’entama, «Recuperando L’aldea perdida», sirve d’escusa pa descubrir, al travies de los personaxes de la novela de Palacio Valdes, dalgunos de los requexos d’Entrialgo. El percorriu entama na casa d’Armando Palacio Valdes y guia a los visitantes pel pueblu con paraes nuna panera del sieglu XVIII, el molin y el llagar, ente otros.
La casa d'Armando Palacio Valdes
Anguano, la casa natal d’Armando Palacio Valdes, reconvertida en centru d’interpretacion, ye llar de la Oficina de Turismu de Llaviana y exe sobre’l que xira la programacion cultural del conceyu. Los orixenes d’esta casona rural d’estilu barrocu con planta rectangular y escudu d’armes podrien datase nel sieglu XVI. Depues llegarien socesives ampliaciones hasta consiguir el volume actual: un caseron fechu a retazos por socesives xeneraciones, como’l mesmu Palacio Valdes senalo nel so momentu.
L’edificiu, el d’una casona tradicional del sieglu XVIII, foi testigu de bona parte de la hestoria del conceyu. N’el convivieron delles xeneraciones d’acomodaos llabradores con grandes propiedaes na zona. La postrera habitante de la casa foi Marta Palacio-Valdes, sobrina del novelista. Caso con un vecin d’Entrialgo, Fidel Fernandez Blanco, y los vecinos del pueblu, que la conocien como Martita, recuerden inda cuando amenizaba los bailles del pueblu con un organiellu.
El Conceyu de Llaviana adquirio la propieda del inmueble cuasi en ruines nel anu 1983 pa remocicala y reconvertila no que ye anguano: el Centru d’Interpretacion Armando Palacio Valdes. Una reforma que fixo d’esti espaciu un centru cultural sobre’l que xira l’apuesta cultural de Llaviana.
