El conceyu de Salas se prepara pa acoger, los próximos 26 y 27 de abril, una de sos cites más queríes y esperaes: el Certamen de Quesos Artesanos d’Asturies, que esti añu celebra so trigésima cuarta edición. Durante dos jornaes, vecinos y visitantes podrán esfrutar de una amplia variedá de actividaes que combinan la gastronomía tradicional, la música, los talleres artesanales, y una fuerte apuesta por el productu local: el quesu.
La programación arrancará el sábadu 26, a partir de les 17:00 hores, con xuegos tradicionales y actividaes de pintacares pa los más pequeños, que se desarrollarán na Carpa de la Colegiata. La música tomará el relevo col concierto del Coro «Los Llunes a les Ocho», a les 18:30 hores, nel Pabellón de la Veiga. Ya por la nueche, a les 20:00 hores, tendrá llugar una cata popular de quesos, abierta al públicu, seguida del concierto del grupu «6 Riales», que interpretará cantares tradicionales asturianos a les 20:30 hores.
El domingu 27 será una jornada aún más intensa. A les 11:00 hores, se celebrará la inauguración oficial del certamen. Media hora más tarde, comenzarán los talleres, ente ellos ún de elaboración de quesu pa neños de ente 3 y 12 años -con inscripción previa-, y otru de cestería abierto a toos los públicos.
La música tradicional tendrá so espaciu a les 12:00 hores col pasacalles de la Banda de Gaitas «Villa de Salas», que animará les calles del centru. A les 12:30 hores, ún de los momentos más esperaos: la entrega del galardón «Quesu de Oru 2025», que esti añu será pa el Llagar de Colloto, distinguíu por ostentar el récord Guinness al quesu más caro del mundu vendíu en subasta.
La jornada continuará col concierto del Grupu Panda a les 13:30 hores, na Plaza de la Campa, espaciu que tamién acogerá, a esa mesma hora, una demostración y degustación de platos elaboraos con quesu, a cargo del reconocíu cocineru David Montes.
Por la tarde, a les 17:00 hores, se ofrecerá un taller de ordeño con vaca frisona, acompañáu de una demostración del proceso de elaboración artesanal de quesu, nuevamente na Carpa de la Colegiata. A les 18:00 hores, el grupu de baile «El Norte Baila» pondrá ritmo con una exhibición tamién na carpa, mientres que simultáneamente na Plaza de la Campa, se repetirá la degustación de platos con quesu a cargo del chef David Montes. El cierre oficial del certamen será a les 19:00 hores.
Durante toa la jornada del domingu, de 11:00 a 17:00 hores, se podrá visitar la esposición de bolillos «Tejedoras de Sueños» nos Bajos del Conceyu, una muestra que pone en valor el trabayu artesanal de les tejedores locales.
Amás, el taller infantil de quesu contará con dos horarios: a les 13:00 hores y de 16:00 a 17:30 hores, con inscripciones disponibles nel teléfonu 625 718 801.
Como novedá y pa mayor comodidá de los asistentes, tanto el sábadu como el domingu habrá una carpa habilitada y serviciu de parrilla, ideal pa esfrutar de los sabores asturianos en un ambiente festivu.
