Manuela del Río, pionera nel baile

Anteriormente rellatemos la hestoria de más pioneres asturianes, como por casu na minería. Poro, güei vamos dedica-y esti apartáu a Manuela del Río, la pionera asturiana del baille.

Manuela Juana del Río Martínez Arcos, más conocida por so nombre artísticu Manuela del Río, foi una bailarina asturiana apodada «La Asturiana universal». Nació el 14 de xunetu de 1909 en Grau y falleció el 3 de payares de 1979 en París.

A los 16 años ya yera una de les bailarines estrelles del Liceo de Barcelona, alumna del «Bailarín de los Zares» Francisco Miralles Arnau. Realizó solos de ballet de los grandes compositores castellanos contemporáneos compaginaos con bailes tradicionales de les diverses regiones de España y solos de castañueles. Tamién grabó varios de estos solos en discos de 78 RPM, incluyendo tres en Francia ente 1930 y 1937.

Actuó mientres trenta años nos principales escenarios d’América, Europa y Xapón. Más tarde asitiándose definitivamente en París, dedicó ellí los sos últimos años a la enseñanza de la danza española y l’arte de les castañueles.

Manuela del Ríu tamién foi actriz de cine: desempeñó’l papel principal enLa vida de Adelqui Migliar (1928) y el so propiu personaxe na serie de televisión británicaStarlight (1936).

Les sos memories inédites, Bailando ppr el mundu, son un rellatu humorísticu de les sos xires acompañáu de les considerancies d’un profesional de la danza española.