Morcín ye un conceyu asitiáu nel centru d’Asturies, en zona de monte. Podríemos dicir d’él que ye el corazón verde d’Asturies y destaca pola so naturaleza y pol so patrimoniu históricu . Bastante ye que, ye equí onde s’atopa el Torrexón de Peñerúes, una edificación medieval que data del sieglu XII , delles cueves con estratos importantes de la prehistoria o neveros qu’usaben na ciudá d’Uviéu mientres la Edá Media.
Amás, Morcín vive baxo la vixilancia de la Sierra del Aramo. Ye por eso que ye un llugar perfectu pal senderismu, la bicicleta, el turismu industrial, cultural o’l gastronómicu. Porque esti conceyu ufiértate un montón de posibilidaes. Ente elles, nós queremos destacar trés:
Torrexón de Peñerúes
Ta consideráu como Monumentu Históricu y el so orixe remóntase a l’Alta Edá Media, nel sieglu XII. Atópase a una altitú de 530 metros sobre’l nivel del mar sobre un montículu del pueblu d’El Campu, na parroquia de Peñerúes. El torrexón nun se caltién perbién y anguaño, dende va un sieglu, atópase en ruina pero ensin amosar signos de peligru d’esbarrumbamientu. Créese que podría ser una antigua torre defensiva que protexía esta vía d’accesu al centru d’Asturies, a caballu ente’l ríu Trubia y el Nalón y que yera un signu del feudalismu asturianu. Podría ser d’orixe romanu, reformáu pol rei Ordoño I. Méntase la so esistencia nel añu 1378, nun documentu que correspuende col testamentu del obispu Gutierre de Toledo, que manda la torre a la so hermana.
L’Angliru dende Morcín
El colosu ciclista de L’Angliru tien más vertientes más allá de la mítica xubida nel conceyu vecín de Riosa. Dende Santolaya de Morcín sal una d’eses, pasando per Vegues de Cardeo y Busloñe. Si’l cicloturismu ye lo tuyo, una xubida como esta va quedate na alcordanza.
De ser conocíu solu polos ganaderos locales y escursionistes, pasó a cobrar fama internacional en siendo incluyíu como final d’etapa na Vuelta a España 1999, dada la gran durez de l’ascensión, qu’algama en dellos tramos pendientes máximes del 23,5% naCueña les Cabres, ún de los puertos de monte asfaltaos más difíciles del ciclismu mundial. De fechu, L’Angliru ta consideráu como’l cume de mayor dureza mundial xubíu en carrera, xuntu col Gamoniteiru y el Mortirolo y el Zoncolan n’Italia.
Les capiyes del Monsacro
El Monsacro preside toles tierres de Morcín. Enclaváu nel centru de Asturies, álzase sobre los caseríos d’esti conceyu. Dende’l so cumal contémplase, en díes de bona visibilidá, la mas amplia panorámica d’Asturies, dende’l mar hasta’l Cordal Cantábricu. El Monsacro ye un monte llaráu d’historia, yá en dómina precristiana impúnxose como llugar sagráu. Nel monte esisten túmulos funerarios y sepulturas de la era megalítica y documéntense cultos primitivos a Teleno. Na actualidá, puen visitase les ermites de la Madalena y de Santiago (dambes del s. XII).
