Un añu más (y ya van 34 ediciones), el conceyu de Piloña se prepara pa celebrar nel mes de marzu les jornaes gastronómiques de la caza, onde podrás degustar los meyores menús con platos preparaos coles piezes cazaes nos montes asturianos. Tres recuperar les tradiciones jornaes el pasáu añu, en suspensión durante 2020 y 2021 por el covid, los díes 3,4, 5 y 10, 11 y 12 de marzu, ye dicir, los dos primeros fines de selmana del mes, la meyor gastronomía de caza te espera en Piloña.
Un total de 9 establecimientos repartíos por too el conceyu ofrecerán sos menús, que podrás reservar llamando previamente y por un módicu precio de 30€. ¡Too un ofertón pa la calidá de la comida que vas a degustar! En marzu ye el momentu de probar la carne cazada durante los fríos meses de iviernu y nun hai meyor momentu pa hacerlo que ahora, acercándote al bonito conceyu oriental de Piloña.
Carne de jabalí, corzo, ciervo, venaos, codornices, faisanes, perdices y son algunes de un sinfín de posibilidaes en estes jornaes gastronómiques de la caza que organiza el Conceyu de Piloña y que cuenta col apoyo de importantes entidaes como la Caja Rural d’Asturies. Esti añu, estos son los establecimientos que han decidíu participar en esta iniciativa, onde se van poder tastiar los increíbles menús de caza:
- Casa Maruja (La Marea)
- Los Caños (L’Infiestu)
- La Roca (Sevares)
- Café Musical Fresh (L’Infiestu)
- Posada de Barro (L’Infiestu)
- Restaurante Palaciu de Cutre (Villamayor)
- La Vega-Lo de Pelayo (L’Infiestu)
- La Atalaya (Torín-Villamayor)
- Bar Pili (Miyares)
Equí, te mostramos los menús de estos resturantes y sos númberos de contacto pa que nun pierdes la oportunidá de reservar tus platos y saciar cola carne de caza de una calidá inigualable. ¡Corre, que se acaban!
