Qué facer en Selmana Santa n’Asturies

Si entá nun sabes qué facer en Selmana Santa n’Asturies, son munchos los planes qu’hai disponibles en tol territoriu. Ye por eso que güei te traemos dalgunos d’ellos pa que puedas escoyer el to ociu nestes feches.

Actividaes en museos

NelCentru d’Arte Rupestre Tito Bustillova haber una yincana familiar pa poner “a salvo” toles pintures y preseos que nun tendríen de tar fuera de la cueva’l 28, 29 y 30 de marzu, a les 12:00 hores. Tamién va haber ocasión de conocer cómo se representaba a la muyer na Prehistoria nel taller familiarNi más ni Venuslos díes 30 y 31 a les 16:00 hores y el públicu infantil va emular a los artistes que pintaron cueves como la de Tito Bustillo el 31 de marzu, a les 12:00 hores.

Na barriga del dinosauriova ser el taller pa públicu infantil d’esta Selmana Santa nelMuséu del Jurásico d’Asturies (MUJA). Del 27 al 31 de marzu, con dellos pases al día, la reciella de la casa van saber lo que s’escondía na barriga de los dinosaurios nun taller deslime.

ElCentru del Prerrománico AsturianuufreJuglerías de antaño y hogañocon Saltatium Teatro, un recital didácticu y risonderu que se va realizar el 29 de marzu, a les 12:00 y 17:00 hores. El día 30 va haber dos talleres familiares: Tote bags medievalesa les 12:00 hores yHall escapeprerrománicu a les 17:00 hores.

NelParque de la Prehistoria de Tebergava realizar en familia grabaos en madera nel tallerLa edá de la maderadel 28 al 31 de marzu, a les 13:00 y 17:00 hores. El públicu tamién puede visitar la esposiciónMensajes nos abismos. Arte esquemáticu en Fresnéu.

Los neños y neñes de l’Asociación d’Amigos del Muséu van ser los encargaos de recibir al públicu delMuséu Etnográficu de Grandas de Salime “Pepe el Ferreiro”. Va ser el 29 y 30 de marzu, de 11:30 a 14:00 y de 16:30 a 18:30 hores.

Selmana Santa n’Avilés

N’Avilés hai muncho que facer en Selmana Santa, yá que los sos pasucais son bien conocíos. Puedes consultala equí.. Pero amás d’ello, celébrase la Fiesta del Bollu, que se declaró en 1972 Fiesta d’Interés Turísticu Nacional. La fiesta llámase asina por esi bizcochu mantecáu y escarcháu en forma trébole de cuatro fueyes que se llama Bollo. El Domingu de Resurreición los padrinos y les madrines regalen a los sos afiaos y afiaes un bollu mantecáu dempués de recibir la palma’l Día Ramos. El Bollo lleva mantega, farina, güevu y zucre.

El Domingu de Pascua, al mediu día, y el Llunes de Pascua, pela tarde, percuerre les cais de la ciudá un desfile de carroces adornaes, xigantes y cabezudos, bandes de música y grupos folclóricos. Les carroces diséñenles y constrúyenles les asociaciones ciudadanes, reflexando motivos alegóricos de la primavera o elementos representativos de la ciudá. La fiesta complétase con delles actuaciones musicales: corales d’habaneres, música celta y verbenes. Y a les doce la nueche, fueos artificiales que se tiren dende la Ría. Puedes consultar tola programación equí.