Del pueblu de Tarna, nel conceyu de Casu, sal esta ruta de monte travesando la sierra del Moncayu hasta la perguapa cascada del Tabayón, que colos sos 60 metros d’altor ye una de les mas altes d’Asturies y declarada Monumentu Natural dende l’añu 2003.
Ruta de senderismu: ida y vuelta. Distancia: 13 kms aprox. dir/tornar. Duracion: 5 h. Dificulta: Facil.
Xubiendo’l famosu Puertu de Tarna vamos atopar el guapu pueblu que-y da nome al puertu. Adentrandonos nel vamos poder dexar el coche delantre de la ilesia parroquial.
El senderu empieza nel camin que lleva al campusantu, onde vamos ver ensin dificulta el cartelu d’entamu de la ruta homologada PR-AS 60, ruta de los carbayos y cascada d’El Mongallu, onde nesi mesmu puntu vamos alopar un cartelu de madera que sirve d’homenaxe al antiguu meson del pueblu que foi soterau por un árgene nel añu 1846.
Tratase d’una ruta accesible ensin mayor dificulta que los 13 kms que supon el so percorriu, ya que vamos empezar la ruta xubiendo una nidia pendiente de formigon a partir de la cual vamos dir ganando altor y metiendonos pasu ente pasu na naturaleza asturiana.
Ye una ruta perfectamente marcada coles marques de PR, na que vamos atopar dos guapes pontes de madera, el primeru cruciando’l regueru Requexada qu’en primavera baxa con muncha fuercia debio al destemple, y exemplares de brezu blancu, abeduriales y fayeos. Entamamos a perder altor esfrutando de la guapura que nos ufierta la diversida de colores de la naturaleza asturiana hasta que’l valle s’abre na denominada braña Les Camponas en tola so maxestuosida pa a la fin allantanos cola protagonista de la ruta, la cascada d’El Tabayón, onde vamos garrar un senderu de piedres y en travesando’l regueru sobro estes vamos xubir una pequeña pendiente hasta la base de la cascada.
Anque ye una ruta recomendable pa realizar mientres tol añu, los colores qu’ufierta’l valle na seronda son espectaculares.
