Silvia Quesada regresa a so Tineu natal esti sábadu, a presentar so reciente trabayu «Prefiero ver llover» en formato acústicu nel Cine Marvi de Tinéu. La cita tendrá llugar el sábadu 10 d’ochobre a les 19:00. Les entraes van poder garrase una hora enantes de baldre,y van tener un aforu llimitáu debío al protocolu COVID.
Nel últimu concierto que ofreció a sos vecinos, poniendo fin a la gira de so primer disco en solitariu, agotaba selmanes enantes les entraes en un Palaciu Merás que estuvo hasta arriba de gente. Un concierto nel que la acompañaron Nacho Vegas, Marisa Valle Roso y Javi Vallina (del grupu «Bonu»).
Tres el éxito de so primer disco en solitariu «La pena Abierta», a principios de esti añu publica «Prefiero ver llover» (Premiu Amas «Meyor Disco Otres escenes»), un trabayu qu’inclúi el single «La mesma revolución», un cantar feminista de corte pop, pensáu pa remover conciencies.
Silvia Quesada ye una de les grandes voces del folk y el pop n’Asturies con una trayectoria granible a pesar de la so mocedá. La so voz nun ye nueva pa los oyíos de nengún de los aficionaos a la música asturiana y n’asturianu de los últimos años.
