Asturies tien unu de los folclores más antiguos y ricos de la península. El so folclore ye bien variáu según na zona na que te atopes. Nesti artículu amosémosvos 4 de los bailles tradicionales más comunes.
El Corri-Corri
El Corri-Corri ye un baille ancestral típicu del conceyu de Cabrales, distintu a cualesquier otru. Ye un baille de cortexu nel que l’únicu home que participa, intenta llamar l’atención de les muyeres. Nesti baille participen ente 5 y 8 muyeres. L’home da palmes, salta y da vueltes intentando llamar l’atención de les muyeres ente que elles, con un ramu de lloréu na mano, baillen averándose y alloñándose a él. Les muyeres escapen del home pero cuando ésti allóñase o paez que rinde, tornen sobre los sos pasos y vuelven escontra él. Cabe destacar que dende l’añu 2019, ta declaráu como Bien d’Interés Cultural (BIC).
El Pericote
El pericote ye una seña de identidá del folclore de Llanes. So orixe se remonta a los siglos XVI y XVII. Durante los años se han creáu diferentes variantes de esti baile según la zona na que se representara. So nombre proviene de la localidá de Cué, onde los «pericos» que yeren les muyeres vestíes de hombres, realizaban esti baile. Na actualidá, se representa el Pericote antiguo (casi exclusivamente nes fiestes de La Guía) y el Pericote (que suele representarse na gran mayoría de les fiestes del conceyu). Lo forman 4 grupos formaos por dos muyeres y un hombre cada ún acompañaos de gaita y tambor o voz. El Pericote tien tamién carácter de baile de cortejo, al igual que el Corri-Corri.
El xiringüelu de Naves
El xiringüelu de Naves ye un baille característicu del oriente d’Asturies. Fórmase por 4 muyeres y un home. Esti baille puede estremase en dos partes, na primera d’elles l’home bailla en xunto coles cuatro muyeres. Na segunda, l’home va sacando una a una les cuatro muyeres y con caúna d’elles bailla d’una forma distinta. A la fin del baille, vuelven baillar toos al empar. Originalmente, representábase con cuatro pareyes pero’l primer añu que se bailló en Naves, nun había suficientes mozos y namás bailló unu. Al públicu gustó-y esta nueva estructura del baille que se caltien a día de güei.
Jotas
N’Asturies hai un gran númberu de variaciones d’esti baille según la zona na temos. Podemos atopar por casu la Jota Asturiana, Jota de Cadavedo, Jota del Cuera, Jota de L.leitariegos, Jota de Boal o Jota de Cangas, ente munches otres. Báillase en pareyes y acompáñense de normal de gaita y tambor y en delles d’elles inclusive castañueles o panderos. Amás, caúna d’estes jotas suel tener un cantar distintu pa cada variante.
