Dende avientu de 2024, la Cultura Sidrera Asturiana forma parte del Patrimoniu Cultural Inmaterial de la Humanida declarao pola UNESCO. Esta cultura ye una manera de vivir, de celebrar y d’entender la relacion ente les persones, la tierra y el tiempu. La sidra, n’Asturies, xune xeneraciones, da sentiu a los alcuentros sociales, marca les estaciones del anu col floriamientu del pumar y el soniu del escanciau, y conviertese en simbolu d’identida y arguyu colectivu. Y too eso pue sentise en Nava.
Como cada anu, la celebracion de la bebora mas famosa d’Asturies vuelve a Nava, col XLVII Festival de la Sidra, qu’esti anu va celebrase del 11 al 13 de xunetu. Llega, amas, depues que la villa asturiana entrara nel mes d’abril na Rede Europea de Ciudaes de la Sidra, un pasu mas nel oxetivu de qu’esta fiesta seya considerada d’Interes Turisticu Internacional, que va acompañau d’un actu en Bilbo nel que se va espichar una pipa de sidra.
La selmana empieza’l martes 8 de xunetu, cola primer preseleccion del concursu a la meyor sidra natural ellaborao n’Asturies. Nel Llagar de prebar y aldericar, y nel Muséu de la Sidra inaugurase la esposicion coles obres participantes nel concursu del cartelu. Pela tarde, ufiertase una preba nel muséu con Juan Luis Garcia, siguida del coloriu desfile de los Culetinos (nenos ente 5 y 11 anos), y mas musica nes cais cola charanga «La Ultima y marchamos». A les 20:00, dende’l balcon de la Casa Conceyu, apurrense los premios, pronunciase’l pregon de la periodista Marta Reyero y entonase l’himnu d’Asturies. Un gran barrenazu da entamu a la Ruta de la Sidra peles cais de Nava.
El domingu 13, tres el concursu internacional d’escanciadores, el Tren Sidreru percuerre diversos llagares de Nava en visites guiaes, mientres les cais animense con pasucais y la gran Comida na Cai, una llacuada colectiva amenizada con musica. Pela tarde, la ilesia San Bartolome acueye’l VII Alcuentru Coral Villa de la Sidra, con coros de toa Asturies.
