Xurtir, un trabayu imprescindible poles muyeres de Corvera

Nun mundu onde la igualda de xeneru sigue siendo un desafiu persistente, organizaciones como l’asociacion Xurtir, en Corvera d’Asturies, destaquen como faros d’esperanza y progresu. Fundada cola vision d’empoderar a les muyeres y fomentar el so inxertamientu llaboral, Xurtir vien marcando una diferencia apalpable na vida de munches muyeres nel conceyu de Corvera.

L’Asociacion de Muyeres pa la Reinsercion Llaboral Xurtir naz en 1998 nel conceyu de Corvera de la mano d’un grupu de muyeres sensibilizaes cola problematica social y llaboral qu’afecta directamente al colectivu femenin y que, nuna montonera d’ocasiones, xenera que munches muyeres tean nuna situacion d’esclusion social o riesgu de carecela. Poro, dende la so nacencia, busca la igualda d’oportunidaes ente muyeres y homes basandose siempres nel pensamientu feminista. Anguaño, puedes topar la so sede nes Escueles Antigiies Santa Cruz.

La finalida de l’asociacion ye la de promover l’autonomia y l’empoderamientu de les muyeres pa propiciar la inclusion social del colectivu femenin en tolos ambitos de la socieda. Con esti envis, realicen dellos programes al rodiu de la sensibilizacion y acciones de cai, como campañes de sensibilizacion escontra la violencia de xeneru o itinerarios formativos ocupacionales y d’insercion llaboral y social. Amas, tamien entamen talleres de xeneru y d’autodefensa, escueles d’empoderamientu, planes d’ociu y tiempu llibre saludable, promueven la participacion social y texen redes de sofitu. Una de les mas conocíes ye la formacion y diseñu de ferramientes pal curiáu de les persones (na so mayoria muyeres) que trabayen n’entidaes del tercer sector, faciendo intervencion social con colectivos en riesgu d’esclusion.

Amas del trabayu propiu de l’asociacion, crearon el CultuBar El Pinchin, que naz como un espaciu cultural y d’ociu onde facer coses guapes y diferentes. Esti espaciu pueden utilizalu les asociaciones o les persones a titulu individual que-y propongan actividaes culturales a Xurtir. Tolos beneficios que se llogren nel CultuBar El Pinchin van pa proyectos sociales de l’asociacion. Asina, pueden vese esposiciones, recitales de poesia… porque’l CultuBar El Pinchin ye un llugar onde la cultura espoxiga y siempre ta presente.

D’otra manera, Xurtir ta adherida al Pactu Social de la Violencia escontra les muyeres y, col oxetivu de consolidalu, tienen un plan d’igualda con tres estayes de trabayu y 24 midies d’actuacion. Cuenta cola marca asturiana d’escelencia n’igualda. Xurtir amuesa un compromisu col respetu y la promocion de manera tresversal en toles estayes de trabayu.

Otru llabor bien importante ye’l que lleven a cabu mientres la celebracion de fiestes y eventos de dellos conceyos asturianos, colocando’l Puntu Lila, un espaciu d’informacion y sensibilizacion, pero sobre manera un espaciu seguru pa les muyeres, onde se da asistencia a cualquier persona que sufriera cualquier forma de violencia sexual (agresion, acosu y abusu). Col Puntu Lila busquen tresmitir mensaxes que promuevan unes fiestes llibres de violencia sexual y un cambéu d’actitú en tola socieda pa fomentar la idea de que les muyeres tienen el drechu d’esfrutar d’unes fiestes segures.

L’asociacion sigue en 2024 cola mesma ilusion que dende’l primer momentu, la seguranza ciega de creer no que fai y l’enfotu constante en siguir trabayando na tresformacion de la realida que viven les muyeres del mundu. Un trabayu, ensin dulda, de munchu valor. Xurtir ye imprescindible.