Un marcu ideal pa esfrutar de la sablera, relaxase con un cóctel o saborguiar lo meyor de la gastronomía d'Asturies
Los chiringos formen parte d'Asturies. Nun hai branu ensin sablera y nun hai sablera ensin el so chiringu. Hailos más modernos o más clásicos, urbanos o inxertaos na naturaleza más selvaxe, pero toos comparten daqué: bona comida y ambiente relaxáu pa estrumir al máximu los díes de branu. Estos son dalgunos de los chiringos que tienes de visitar cuando vayas a la sablera n'Asturies:
Bluu Beach Café
Llanes ye sinónimu de sablera. Y nada meyor que zarrar un día de branu qu'enllenando l'estómagu o tomando daqué con unes vistes impresionantes de la sablera d'El Sablón. Esta encantadora terraza ye un rincón de los más afayaízu pa despidir la xornada esfrutando de los colores del atapecer. El so inigualable allugamientu, en plenu paséu de San Pedro de Llanes, faen de Bluu Beach l'espaciu ideal para los amantes del mar y del monte. La música y el bon ambiente son el filo conductor d'un espaciu nel que s'entemecen la cocina asturiana y mexicana. La carta inclúi platos tan distintos como'l guacamole, el pulpu, les tostaes d'atún, los tacos y el cachopu, pero siempres col sellu calidable de Bluu Beach. Amás, trátase d'un espaciu ‘pet friendly’, polo que vas poder esfrutar de los meyores cócteles y cafés xunto cola to mascota.
Av. de las Gaviotas, Llanes
Horariu: de 13:00 a 00:00 hores
Teléfonu: 616 41 57 53
Facebook: Bluu Beach Bar Llanes
Chiringuito de Cueva
La bona comida ye la protagonista nel Chiringuito de Cueva, una sablera de sable escuru y piedra allugada na desaguada del Esva. Un rincón únicu xuntu al cabu Bustu nel qu'esfrutar d'una xornada de branu. La comida cuerre al cargu de les cocines del chiringu. La carta d'esti encantador requexu nel qu'esfrutar de la naturaleza nun día de branu tamién inclúi ensalaes, bocaos, hamburgueses y raciones pa tolos públicos. Mención especial merez el so cachopu, unu de los más reconocíos de la zona, non solo pol tamañu, sinón tamién pola calidá y bon preciu. Tampoco falten los arroces y pexes, otra de les especialidaes de la casa.
Playa de Cueva, Valdés
Teléfonu: 658 26 16 56
Facebook: Chiringuito de Cueva
Terrazas de Ipanema
Ente la sablera España asítiase Terrazas de Ipanema. L'espaciu cunta con dos locales estremaos: el Beachclub Ipanema y Terrazas Ipanema restorán. El restorán combina distintes zones temátiques d'inspiración caribeña, ibicenca y azteca. Un espaciu pa esfrutar de la temporada braniza y de la so variada carta de platos, bebíes y cócteles ente los que nun falten los mojitos y les caipirinhes. Ufierta, amás, actuaciones de grupos musicales en directu, cuando les circunstancies asina la permitan, y sesiones DJ esclusives y cuenta cola posibilidá de cubrir parte del espaciu en casu de que'l tiempu nun acompañe. El Beachclub ye una invitación al descansu y el relax. Un espaciu natural asitiáu frente al mar nel que desconectar baltáu nes sos cames balineses. Dende esti rincón vas poder esfrutar d'unes espectaculares puestes de sol amenizaes por sesiones DJ. Paga la pena probar los sos cócteles y batíos o zusmios naturales.
Horariu: de domingu a xueves de 12:00 a 01:00 hores; vienres y sábadu hasta les 02:00 hores
Teléfonu: 985 89 48 98
Corréu llectrónicu: fer@terrazasipanema.com
Facebook: https://www.facebook.com/terrazas.ipanema
Chiringuito de Torimbia
La sablera de Torimbia ye una de les más frecuentaes del branu asturianu. Destaca pola so guapura natural. Asina, foi escoyida polos usuarios de la popular publicación de viaxes Lonely Planet como una de les meyores d'España. Y bona parte del so ésitu ta nel so chiringu. Bona comida, bonos precios y meyores vistes. Amás de tou tipu de bebíes y xelaos pa enfrescate nos díes de branu, na carta del Chiringuito de Torimbia vas atopar raciones y bocadillos. Tamién vas atopar pexes y mariscos, asina como'l so platu estrella: la paella, qu'ellaboren por encargu.
Horariu: de 11:00 a 20:00 hores
Teléfonu: 687 03 00 23
Facebook: Chiringuito de Torimbia
