Arantza Margolles convídanos a conocer los sitios más escuros, terroríficos y misteriosos de la hestoria de la ciudá

Tornen les visites guiaes n’asturianu de XixónTours. Tres l’ésitu de la iniciativa esti branu, la plataforma d’información sobre ociu y turismu Ver Asturies y Cuatro Gotes Producciones retomen el ciclu de visites guiaes temátiques n’asturianu con cuatro nueves feches de la ruta ‘Xixón mete mieu‘. XixónTours ye una iniciativa pa dar a conocer Xixón a los propios habitantes del conceyu y a los asturianos en xeneral, asina como a cualesquier persona que viniendo d’otros llugares quieran averase a conocer distintos aspectos de la mesma sintiendo la visita n’asturianu. 

‘Xixón mete mieu’ avera a los y les visitantes a los llugares hestóricos de la ciudá onde se produxeron asesinatos, matances, invasiones sangrines, apaiciones de pantasmes y lleendes. La historiadora Arantza Margolles convídanos a conocer los sitios más escuros, terroríficos y misteriosos de la hestoria de la ciudá de Xixón. 

Feches y horarios de les visites guiaes ‘Xixón mete mieu‘

  • Vienres 23 d’ochobre — 20:00 a 21:30 hores.
  • Sábadu 24 d’ochobre — 20:00 a 21:30 hores.
  • Miércoles 28 d’ochobre — 20:00 a 21:30 hores.
  • Xueves 29 d’ochobre — 20:00 a 21:30 hores.

Por mor de l’actual situación sanitaria, los grupos máximos van ser de 25 persones, calteniendo siempres la distancia de 1.5 metros y col usu de mázcaru obligatoriu a lo llargo de tola visita. El preciu de la entrada p’adultos ye de 10 euros, de 6 euros pa menores d’ente 13 a 18 años, y de baldre pa menores de 13 años. Les inscripciones puen facese de manera telemática emplegando esti formulariu.