4-Bual
Bual foi poblo exemplar nel ano 2014. É un conceyo situao nel occidente d’Asturias galardonao pola sua capacidaá pra dinamizar a vida del conceyo con iniciativas como a producción de mel en cooperativa, empresas agroalimentarias y el turismo rural. Ente as suas curiosidades turísticass destacan os calieiros, unos fornos que fan qu'a pedra caliza se converta en cal. Y si vos prestan as rutas, en Bual tenés varias pra fer, como El camín los Calieiros, a ruta Viesgo dos Miradores, a ruta da Cova del Demo y muitas máis.
3-Güeñu
Güeñu, una parroquia del conceyu de La Ribera, foi nomáu pueblu exemplar nel añu 2012. Si hai dalgo polo que rescampla, ye por ser el pueblu con mayor concentración d’horros y paneres d’Asturies, con un total de 36 hórros y 10 paneres. Amás, si quies deprender coses sobre estes construcciones tan típiques del país, equí puedes atopar el centru d’interpretación del horru. Un llugar que recueye información perinteresante hestórica del usu de hórros y paneres, amás de contar con dellos talleres pa guah.es y escursiones pa colexos. niños y escursiones para colegios.
2-Poreñu
Poreñu, nel conceyu de Villaviciosa, foi nomáu pueblu exemplar nel añu 2017 pola implicación de los sos vecinos na recuperación de la tradición. Un pueblu conocíu poles sos pumaraes y llagares particulares onde tolos sos vecinos tan rellacionaos d’una o otra forma cola nuesa bébora nacional: la sidra. Ensin contar la montonera de cases con más d’un sieglu d’antigüedá poles que paez que nun pasa’l tiempu y caminos onde con unes viestes ablucantes de la xeografía asturiana. Imaxinái llevantase tolos díes con un paisaxe como esti.
1-Colombres
Cuasi tocando colos nuesos vecinos de Cantabria, nel conceyu de Ribadeva, tenemos a Colombres, un pueblu que destaca pol so archivu sobre los indianos que recueye información de les cases rexonales d’América. Amás, recueye delles cartes, semeyes y oxetos rellacionaos con esti tema que mos recuerden la famosa frase de “Recordái que nos tamién fuimos inmigrantes non va muncho”. Visita obligada p'absolutamente tol mundu. Tampoco podemos dexar de llau la Cueva del pindal en Pimiangu, una cueva que sirvió como llar na prehestoria y que cunta con delles pintures rupestres nel interior.
