Mustadiella
La mustadiella ye un animal mamíferu y ye la especie más pequeña dientro de los mustélidos, amás de nos carnívoros. Ye un animal con una bona representación na fauna asturiana y nun ta dientro de la llista de les especies amenazaes. Anque la so apariencia d’animal pequeñu pueda confundir, la muestadiella ye un bon animal cazador que puede matar preses ente cinco y diez veces el so propiu pesu.
Llobu ibéricu
El llobu ibéricu ye un animal mamíferu y carnívoru que s’alcuentra nos montes d’Asturies y qu’hasta’l sieglu XVIII se pensaba que yera familia del perru domésticu. Anque n’otros llugares nun ye una especie amenzada, el llobu ibéricu, del que tamos falando, nel norte d’España ye una de les especies amenazaes y con una población fragmentada. Ye un animal de tamañu mediu con manches escures nel rabu, parte anterior y cruz.
Osu pardu
L’osu pardu ye l’animal terrestre n’estáu salvaxe más grande de la fauna ibérico. La población cantábrica divídese en dos núcleos, l’ oriental y l’occidental, con un censu que supera los 260 exemplares. L’olfatu, el so sentíu más desenvueltu, ye desaxeradamente agudu. Gracies a él pueden detectar a llarga distancia munches de les sos fontes d’alimentu, amenaces y hasta l’estáu sexual d’otros exemplares.
Asturcón
Ye ún de los caballos más antiguos y puros del mundu. Pertenece al denomináu tueru celta, emparentáu con algunes razes del arco atlánticu. A partir del añu 80 a.C. son abondoses les cites nes que historiadores romanos nos hablan del «pequeñu Asturcón que cría la nación Astur», siendo, ensin duda, el animal astur de más fama, apreciáu tanto por so dureza y velocidá como por so pasu de ambladura. Los asturcones viven en libertad too el añu, paren nel campo, siendo de una rusticidá asombrosa. El hábitat natural del asturcón son sierres escarpaes, poco fértiles y expuestes a unas condiciones climatológiques mui dures. Ello ha favorecíu, a lo llargo de generaciones, la forja de un caballo rústicu, con limitaes necesidaes alimenticies y mui resistente a les enfermedades.
