Déjala que baile (Melendi ft. Alejandro Sanz y Arkano) – 2018

Sí, lo sabemos. Esta nun ye la canción más famosa de Melendi. Ni siquiera la más recordada, pero en esti artículo hablamos de canciones del branu, y nel de 2018 esta sonaba en toes partes. Melendi, en so versión ya más «pija», se junta equí con Alejandro Sanz y Arkano de so álbum Ahora. Un cantar reivindicativu que realza y reivindica los derechos de la muyer.

Na Caleya (La Bandina) – 2006

Mientres nel branu de 2006, en España taben pendientes del «corrá» del Koala, n’Asturies teníamos cuidáu de nun mexar en porricu na caleya. Esti simpáticu videoclip que celebraba los diez años del grupu La Bandina acabó tarareándola too Asturies pela cai, gracies tamién al espardimientu que-y dio la daquella acabante d’estrenase TPA. El cantar fíxose tan famosu qu’hasta Will Smith llegó a baillala… o eso ye lo que sal en Youtube.

Busindre Reel (Hevia) – 1998

Pue que la música celta seya lo último que se te vien a la cabeza a la d’arrexuntar cantares del branu, pero esta pegó, y pegó fuerte. Hevia sacara’l so segundu discu, Tierra de nadie, y so single «Busindre Reel» llegó a sonar en too el estáu castellanu. Tanto foi el éxito de esta canción gracies a un anuncio de televisión (como suele pasar a menudo coles canciones del branu), que Tierra de nadie llegó a 6x platinos n’España, convirtiéndose nel asturianu que más discos vendió na hestoria. Un títulu que, dáu cómo camudaron los tiempos, probablemente naide-y quite nunca.

El tractor amarillo (Zapato veloz) – 1992

Pocas dudes caben de que esta ye la canción del branu que salió d’Asturies por antonomasia. Corría el añu 1992 y too el mundu, grandes y pequeños, sabían que lo que se llevaba por aquel entós yera tener un tractor amarillo. El grupu de Trubia Zapato Veloz, compuesto Javier Díaz Gotín, José Carlos Álvarez Fernández y Mario Mosteiro Fernández se encontró, de repente, con un «hit» (como dicen los modernos) que transpasó les fronteres hasta llegar a América latina e incluso a Hong Kong. Los derechos de la canción les siguen generando ganancies entá a día de güei. El éxito llegó a tal puntu, que en febreru de 2020 el grupu, reformáu, sacó un remix con estilo… ¿más moderno? Nosotros nos quedamos con que conseguimos «colar» nuesa llingua en too el mundu, anque solo fuera un «ye», que por daqué se entama.