Col puxu de les plataformes online, y sobretou tres la pasada cuarentena que nos caltuvo casi trés meses zarraos en casa, la sociedá consume cada vez más productos audiovisuales, seyan estos en forma de película o de serie. Güei proponémosvos, como alternativa, cuatro productos audiovisuales (dos películes y dos series) qu’usen como llingua vehicular la nuesa llingua: l’asturianu.
7337 – Segio G. Sánchez (2000)
Na seronda de 1973 una maestra llega a una escuela rural abandonada dende la guerra civil. Mientres la so estancia inquietante atopase con un misteriosu neñu de procedencia desconocida. Amás, peles nueches escucha ruios y ve coses estrañes. Quiciabes vos suena l’argumentu, y ye qu’esti curtiumetraxe foi la primer grana pa rodar años más tarde El Orfanato. Sergio G. Sánchez, so director y guionista, dirigió esti cortomatraje que ganó varios premios y certámenes nacionales. Sergio G. Sánchez empezó con esti proyecto a especializarse en esos thriller psicológicos que tantes pesadilles nos fizo «esfrutar» nes butaques de los cines años dempués con éxitos como el propiu El Orfanato, Lo Imposible, El secreto de Marrowbone, o, bien llueu, Alma (2022) de Sergio G. Sánchez. Rodada en delles localizaciones del Principáu como’l Palaciu de Regar (Xixón), Palaciu de Trenor (Figueres), Murios del Nalón, Sablera de Moniello, Cantil de Cabu Bustu, Sablera de San Pedro de la Ribera, Sablera de Porcía o’l Castiellu de Les Caldes en Netflix, que tamién rodó n’Asturies.
Bernabé – Pablo Casanueva (2013)
Bernabé foi’l primer llargumetraxe de la hestoria rodáu n’asturianu. Cunta la hestoria de Bernabé Ruenes Santoveña, que foi condergáu a 30 años de cárcel por protagonizar un conflictu con un cabu del Exércitu, escapó al monte y ganó fama y notoriedá en tol Oriente d’Asturies. Anque nun yera un refuxáu políticu, acabó viviendo como tal por culpa d’esi conflictu. Casanueva dio con esta idea mientres grababa’l documental Xente. Foi recogiendo los testomonios que más le gustaban y lo acabó convirtiendo en guion. Y ye que, anque trátase de una película de ficción, too ta basáu en testimonios de persones que conocieron u oyeron hablar de Barnabé. La realización de la película contó cola colaboración de asociaciones y particulares que cedían vestuarios y localizaciones. La película se realizó en asturianu porque foi «la llingua na que me contaron la historia de Bernabé, amás de la llingua na que hablo», dixo el propiu Casanueva.
Chatarrona – Alberto Suárez (2011)
En plenu puxu de les webseries n’Internet, Publicaciones Ámbitu realizó la suya propia como una propuesta pa encaminar una ficción en TPA: Chatarrona. La sitcom online foi la primera en introducir personaxes que se expresaban en asturianu, anque por el propiu argumento, varios diálogos ocurrían en castellano: Chuso (Alberto Rodríguez) y Esteban (Pedro Durán) son dos compañeros de piso en paro y con problemes económicos. Un bon día, Chuso decide solucionar sos problemes económicos poniendo un anuncio pa acoger inquilinos que quieran compartir piso y, de pasu, aprender asturianu («Namás tenemos esta casa y la llingua, asina que vamos saca-y partíu a la casa y a la llingua«, diz Chuso). Al anuncio responden Malik (Masokhna Diop), un inmigrante senegalés que trabaja de camareru en una sidrería y Carolina (Juana Marrón), una joven que vivió en varies partes del mundu y siente ahora predilección por «lo autóctono». La serie trata de realizar un rellatu social e irónicu de una Asturies dañada por la época de la crisis del 2009 y, sobretodo, una visión positiva del proceso de recuperación lingüística. Lamentablemente, solo tuvo tres capítulos.
Proyectu Webserie – Marcos S. L. (2019)
Dempués de forxase una esperiencia en producción de conteníu online, la canal d’entretenimientu n’asturianu Playpresta decidió embarcase na creación de la primer webserie realizada dafechu n’asturianu. Esta foi Proyectu Webserie, una sitcom que parodia’l mundu d’Internet, los sos conteníos y la so forma de crear esos conteníos dende dientro, con dellos guiños a virales, memes y tou tipu de conteníu qu’atopamos na rede de forma satírica. L’argumentu cunta la hestoria de cómo Xurde (Pablo Mare) y Adriana (Olaya Pena) intenten atopar conteníu nuevo para la so canal. Xurde, cunta cómo s’atopó por casualidá con Ayalga (Bea Canteli), un antiguu amor d’institutu que suaña con ser actriz. Pa nun perder el contactu con ella, ésti decide ufierta-y participar nuna webserie de la que nun hai nin guion, nin argumentu, nin un res preparao. A partir d’ende, van tener qu’intentar sacar una webserie xuntu con Oliver (Pepiox08), un youtuber daqué curtiu de comprendederes, y vivir con toles torgues que s’atopen para crear conteníu online. Too llenu d’humor absurdo, ironía y munches rises de mano del guionista Marcos S. L.
