Na llarga hestoria de les Lletres Asturianes hai delles muyeres que destaquen por distintes cuestiones y que, como en tantos ambitos de la vida, siguen ensin ser tan conocies. Escoyemos cinco autores pa descubriteles nun percorriu cronoloxicu pela lliteratura escrita n’asturianu.
Xosefa Xovellanos, la primer escritora conocida
Xosefa de Xovellanos naz en Xixon el 4 de xunu de 1745. Hermana de Gaspar de Xovellanos, quiciabes por ello apaez tapecida tres la so figura. Ye la primer escritora n’asturianu muyer de la que conocemos el nome.
Magar que pertenecia a la nobleza, supo denunciar nos sos testos les desigualdaes de la epoca. La so obra circulo en copies hasta qu’en 1839 Xose Caveda y Nava edito delles pieces na primer antoloxia de la lliteratura asturiana, onde yera la unica escritora.
Morrio’l 7 de xunu de 1807, como monxa y tres una vida dura, na que vivio la muerte del so home, Domingo Gonzalez d’Argandona, y les tres fies que tuvieron.
Enriqueta Gonzalez Rubin, la primer novelista
La figura d’esta escritora nacida en 1832 ye quiciabes la menos conocida d’ente les autores qu’escribieron n’asturianu. Foi la primer muyer n’escribir una novela en llingua asturiana.
Nené Losada Rico, la gran voz del occidente
Nacio en Lluarca en 1921 y conocio de neña al gran poeta asturianista Fernan Coronas. Pertenez a la «Xeneracion de la Posguerra» y nun fixo publica la so obra hasta 1997, cuando asoleyo Cantares valdesanos.
Escritora na varieda occidental del asturianu, la so obra ta considerada ente lo meyor de los poetes del sieglu XX ya inclui obres como Entre apigarzos y El nome de las cousas. Dende l’añu 2004, l’asociacion de muyeres Valdes Siglo XXI convoca un certame de poesia col so nome.
Morrio en 2009 tres de munchos homenaxes y reconocencies al so llabor lliterariu, como l’Urogallo de Bronce, la Medaya de Plata del Gobiernu d’Asturies o la reconocencia como fia predilecta de Valdes.
Berta Piñán, l'autora mas internacional
Nacida en 1963 en Cañu, Cangues d’Onis, ye profesora. Dende bien moza collabora en delles revistes, ente elles Lletres Asturianes. Tamien participo na creacion de la revista Adrei xunto a Xuan Bello y Anton Garcia.
Gallardonada con dellos premios d’importancia y con llibros publicaos que formen parte de lo meyor de la lliteratura asturiana de finales del sieglu XX y entamos del XXI, como Un mes o la tierra entero, ye una de les autores mas traducies a otres llingues y mas conocida fuera d’Asturies.
Ta considerada tamien autora destacada nel ambitu de la traduccion y la lliteratura infantil. Fixose en dos ocasiones col Premiu Maria Josefa Canellada de lliteratura infantil y xuvenil n’asturianu.
