Alberto Rodríguez nació na localidá mierense de Returbiu nel añu 1972. Ye llicenciáu n’interpretación pol Institutu del Teatru y de les Artes Escéniques (ITAE) en Xixón. Tamién realizó diversos cursos para completar la so formación con profesionales como Arnold Talaborelli o Esperanza Abad.
Empezó la so carrera collaborando cola mayoría de les compañíes de teatru d’Asturies. Gracies a ello, tuvo nomáu en delles ocasiones a los Premios «Asturies» de Teatru. Amás en 2004, foi galardonáu col Premiu al Meyor Intérprete Masculín pol so trabayu nel musical «Sesfebú». Tamién ha trabajáu nel cine en películes como «Carne de Gallina» o «La torre de Suso«.
Alberto se gana so fama gracies a la televisión. El momentu nel que tuvo el mayor reconocimientu foi nel programa «Terapia de grupu» na TPA. En esti programa tenía el papel de presentador y amás dio vida a personaxes conocíos como La Marquesina o Lucas Castañón. En esta mesma cadena tamién presentó el famosu programa «De Folixa en Folixa» nel que recorría les diferentes fiestes y celebraciones de toa Asturies. Otru programa del que ye coproductor y copresentador ye el concurso «Superasturianos«. La confianza en so talento pa el humor y la improvisación quedó patente cuando se apostó por él en Universo Rodríguez, un late night al estilu americanu ensin escaecer los raigaños asturianos que se punxo en marcha en 2018.
Recientemente, ha presentáu «Tú a la playa yo a la montaña» xunto a Camilo Sousa tamién en TPA, amás de varies gales y estregues de premios.
Siempres combinó’l so trabayu en televisión colos sos monólogos en solitariu y el teatru. Amás, participó activamente con asociaciones culturales y de festexos y amuesa gran interés pola cultura asturiana.
- Conceyu
- Xixón
- Sección
- Personalidaes
- Fecha
