La ñeve volvió tiñir el paisaxe de blancu, espertando la emoción de neños y adultos por igual. La espera valió la pena, y con ella lleguen les rises, los xuegos y los planes na ñeve. Ye por eso que queremos encamentate un bon plan nestes feches y que nun tengas que gastar el to tiempu en planialu. Nesti casu, va ser na Estación Iverniza de Fontes d’Iviernu.

Estación de Fontes d’Iviernu

La ñeve tornó a los cumes, y con ella, la oportunidá perfecta pa esfrutar de los deportes d'iviernu. Un destín ideal pa ello ye la Estación de Fontes d’Iviernu, un enclave fantásticu tanto pa quien deseyen empecipiase nel esquí y el snowboard como pa quien busquen perfeccionar la so técnica. La so Escuela ufierta clases individuales y cursos en grupu, que pueden acutar fácilmente al traviés del so sitiu web. Una de les coses mas significantes de la estación ye que ye la que dispón de la pista de iniciación mas llarga del Cordal Cantábricu. La pista ye la de la Llana’l Fitu y cuenta con un percorríu de 2.133 metros, onde los esquiadores menos esperimentaos pueden esfrutar d'un percorríu espectacular. Amás, disponen de serviciu d'arriendu d'equipamientu y taquilles a pie de pista. ¿A qué esperes? Ven y vive una esperiencia única nun requexu incomparable del monte asturianu, tanto si quies practicar unu de los tos deportes favoritos como si quies empecipiate nos deportes d'iviernu.

Dirección: Carretera del Puertu de San Isidro, s/n, Ayer, Asturies

Móvil y WhatsApp: 679663358

Web: www.fuentesdeinvierno.com

Restaurante La Figar

Dempués d'un día agotador na ñeve, nada meyor qu'esfrutar d'una comida de calidá que reponga enerxíes tres delles hores practicando deportes d'iviernu en San Isidro. En Cabanaquinta vas atopar el Restorán La Figar, un espaciu cálidu y acoyedor onde vas poder relaxate mientres saborguies esquisitos platos. La so especialidá ye'l corderu a la estaca, una opción ideal pa los amantes de la bona gastronomía. Pero si prefieres otra cosa, la so variada carta de platos tradicionales de xuru que te va conquistar. Amás, si busques una esperiencia auténtica, siempres puedes optar por una espicha asturiana, una propuesta que nunca decepciona. En La Figar tán preparaos pa recibite y facer que la to visita seya especial; inclusive si vienes en grupu, entamen eventos a midida. ¡Nun duldes n'afayar esti requexu gastronómicu que te va facer sentir como en casa!

Dirección: Cai Dr. Fleming, 2, Cabanaquinta

Teléfono: 985 49 43 47

Horariu: Martes a vienres de 9:00 a 1:00, sábados de 11:30 a 1:00 y domingos de 11:00 a 00:00

Páxina web: lafigar.com

Apartamentos El Campal

Nun hai meyor forma de rematar un día na nieve qu'agospiase nuna redolada privilexada, arrodiáu de paisaxes espectaculares. Los Apartamentos El Campal, ufierten un allugamientu ideal pa los amantes de los deportes d'iviernu. A namás 12 quilómetros de la estación d'esquí de Fontes d’Iviernu y con ampliu aparcamientu priváu, esti destín ye perfectu pa quien esfruten del esquí y otres actividaes al campu. El complexu cunta con catorce apartamentos dafechu forníos, cada unu con cocina, salón-comedor y cuartos. La cocina dispón d'electrodomésticos modernos, amás de tol menaxe necesariu pa una estancia cómoda. Inclusive hai una opción afecha pa güéspedes con movilidá amenorgada. Los visitantes van poder esfrutar de zones comunes como barbacoa, área infantil, cenador y conexón wifi gratuita. Tamién un ampliu aparcamientu priváu y, amás, les mascotes son bienllegaes y pueden contratase actividaes p'aprovechar al máximu la esperiencia. ¡Fuelga y esfruta n'El Campal!

Dirección: Puertu de San Isidro, carretera, Felechosa (Ayer)

Teléfonu: 651 36 71 38

Páxina web: elcampal.com