Queda bien pocu tiempu pa que los Reis Magos lleguen a les nueses ciudaes cargaos de regalos, cola cabalgata, y en munchos puntos de la ciudá van percorrer les cais pa caltener intacta la ilusión de los más pequenos. N'Asturies, vamos poder velos en munches localidaes, ente elles estes:

Cabalgata de Xixón

Les sos Maxestaes Melchor, Gaspar y Baltasar, al pie de S.A.R. Príncipe Aliatar van llegar a Xixón el 5 de xineru de 2024. Y van facelo al Puertu Deportivu de la ciudá a les 10:30h. Coles mesmes, mientres la mañana tamién se van entamar alcuentros coles neñes y neños de Xixón nel Teatru Xovellanos. La cabalgata va salir a les 18:30 hores y a les 21h. hores, aprosimao, les sos Maxestaes van ufiertar un discursu dende'l balcón del Conceyu.

Los Reis Magos van empecipiar la cabalgata nel C.P. Montevil-Río Eo, pasando peles cais Pintor Manuel Medina, Carretera Carbonera, avenida Schultz, Manuel LLaneza, Hermanos Felgueroso, San Bernardo, plaza del Institutu, Los Moros, Munuza, plaza del Carmen, Felipe Menéndez y Marqués de San Esteban, rematando nos Xardinos de la Reina.

Cabalgata de Uviéu

La cabalgata principal caltién el so percorríu al respective de les pasaes ediciones. La salida va tomase a les 18.30 hores na cai Independencia. En percorriendo Uría, Fruela, Pozos y Ramón y Cajal, va producise l'adoración al Neñu Jesús del belén asitiáu na plaza de la Catedral. Dende ende, van trescurrir peles cais Xovellanos y Argüelles hasta algamar la plaza del Carbayón. Dempués, va arrodiar el Campu San Francisco por Melquíades Álvarez pa terminar el percorríu na cai Independencia, al rodiu de les 20.30 hores.

Cabalgata de Avilés

La Cabalgata caltién el so itinerariu tradicional, sacante'l so pasu pola plaza La Mercé de resultes de les obres. Va salir del C.P. El Quirinal pela cai Fernando Morán. De siguío, va siguir por Juan XXIII, va xirar en dirección a Juan Ochoa, pa depués siguir por Esther Carreño y enllazar con Oreja Sierra. Va siguir per José Cueto, y al llegar a la plaza La Mercé va tomar el so aldu pola Cámara. La llegada va ser na plaza España.