¿Cuál va ser la Capital del Turismu Rural en 2024? Cada añu, el portal Escapada Rural llanza esta entruga al públicu coles mires d'atopar la localidá que tenga este titulo y, anguaño, l'honor recayó n'Asturies. Más de 200 conceyos de toles comunidaes autónomes presentaron la so candidatura pa convertise na Capital del Turismu Rural 2024, premiu que distingue'l destín rural favoritu de los viaxeros, pero esta vegada a Santalla d’Ozcos nun se-y escapó.
Con apenes unos cientos d'habitantes, Santalla d’Ozcos ye una ayalga que s'escuende ente los montes asturianos del suroccidente. Ellí, los visitantes pueden somorguiase nun ambiente de tranquilidá y autenticidá, conociendo cuestiones como los antiguos oficios del fierru o'l Muséu Casa Natal Marques de Sargadelos.
¡Norabona al pueblu d'Os Ozcos!
