El próximu vienres 21 de mayu a les 19:00 h , la Sala Loreto de Colunga va acoyer una nueva sesión de la Cinemateca Ambulante, una iniciativa cultural de la Conseyería de Cultura, Política Llingüística y Turismu, al traviés de la Sociedá Pública de Xestión y Promoción Turística y Cultural d'el Principáu d'Asturies en collaboración con diversos conceyos, ente ellos el de Colunga.
Ye un programa que pretende aguiyar la conocencia del cine internacional y nacional non comercial, según la exhibición de films de creadores asturianos. La programación ufiertada pola Cinemateca Ambulante ta coordinada pol Festival Internacional de Cine de Xixón.
Con motivu del Añu Berlanga, que conmemora'l centenariu de la nacencia del gran cineasta Luis García Berlanga, nesta ocasión va proyectase la película “PLÁCIDO” que dirixió en 1961 y que foi nominada tantu al Oscar a la Meyor Película de fala non inglesa d'aquel añu, como a la Palma d'Oru a la Meyor Película nel Festival de Cine de Cannes de 1962.
Interpretada por “Cassen”, José Luis López Vázquez, Amparo Soler Lleal, Manuel Alexandre, Mari Carmen Yepes, Agustín González, Antonio Ferrandis…. Y con guion del propiu Berlanga y Rafael Azcona.
"Siente un pobre a su mesa" yera como se diba a titular, pero la censura obligó a camudalo. El filme contien una crítica a la hipocresía oculta tres campañes de caridá.
Anque la entrada ye llibre hasta completar aforu, encamiéntase faer reserva llamando o unviando whatsapp al 661604627.
Related posts
¿Cuála ye la meyor playa d'Asturies?
Newsletter
* ¡Vas recibir les últimes novedaes culturales y d'ociu n'Asturies!