La Playa del Silenciu ye un de los paisaxes virxes, selvaxes y paradisiacos que s'atopen n'Asturies que faen que tenga un encantu propiu. Conozse tamién pol nome de sablera de El Gavieiru y pertenez al conxuntu del Paisaxe Protexíu de la Mariña Occidental d'Asturies, un área con 35 kilómetros d'estensión ente los conceyos de Valdés y Cuideiru.
Tien una estensión de 300 metros de llongura por 30 d'anchu. Nun hai socorristes, dueches, banderes nin chiringos. D'ende vien la so característica de sablera virxe.
El so nome más conocíu, Sablera del Silenciu, debese a la so redolada montascosa que faen de barrera alredor de la sablera, protexéndola del aguaxe y faciendo que les agües tean seles y silencioses.
Puede aportase al traviés del pueblu de Castañeras y dende ehí, per una carretera bastante estrecha que termina nun pequenu aparcamientu de pagu. Dende l'aparcamientu hasta la sablera, hai que caminar sobro 15 minutos y el camín ta perfectamente acondicionáu pa dir en familia. Cerca del parking, hai dos miradores dende los que pueden esfrutase d'unes vistes maraviyoses de la sablera.
Mientres la pleamar, hai un gran espaciu pa poder bañate ensin pisar la plataforma predresa qu'hai al fondu. Esta plataforma ye la que fai que'l color de l'agua sía tan cristalín y distintu d'una sablera del Mar Cantábricu. Nos momentos de baxamar, pue ser más difícil bañase por cuenta d'eses roques y pollo, encamiéntase llevar escarpinos para evitar faese dañu.
Pela redolada de la Sablera del Silenciu, atópense distintos pueblos costeros y sableres que tamién merez la pena conocer. Exemplu d'ello son Cuideiru, el Cabu de Vidio o la Sablera de la Gueirúa.
Related posts
2 Comments
Leave a Reply Cancel reply
¿Cuála ye la meyor playa d'Asturies?
Newsletter
* ¡Vas recibir les últimes novedaes culturales y d'ociu n'Asturies!
[…] escaleras después. ¿Te animas a acercarte a este rincón de Asturies? Muy cerca tienes también El Gavieiru, por lo que puedes visitar las dos en un mismo […]
[…] ¡nada como Asturies! Por eso, te invitamos a que conoces otras playas del territorio, como la de El Gavieiru. Se encuentra muy cerca de esta y que ya ha sido reconocida […]