La Xunta Xeneral de Asturies abre les sos puertes a toles persones que deseyen conocer y compartir el trabayu que se desenvuelve nel so interior, el del exerciciu de la democracia viva. Los ciudadanos y ciudadanes pueden conocer la see de la Xunta Xeneral d'Asturies, nel Palaciu de la cai Fruela d'Uviéu, participando nes visites pa escolares o visites de grupu guiaes.

¿Cómo s'acuta una visita guiada?

Toles visites tienen d'alcordase primeramente col Serviciu de Relaciones Institucionales. Puedes faelo llamando a los teléfonos 985107485 / 985107500, o al traviés de la dirección de corréu lletrónicu visitas@jgpa.es. Acute'l día y l'hora y de forma guiada va poder visitar los espacios más emblemáticos del Parlamentu asturianu, introducirán-y na so hestoria y esplicarán-y les sos funciones y el trabayu de los 45 diputaos que representen al pueblu asturianu. Les visites son gratuites y tienen una duración averada de 60 minutos. Cada grupu va tar compuestu por un máximu de 25 persones. Les visites tán disponibles los llunes, xueves y vienres, n'horariu de 9 a 14 hores, mientres tol añu.

¿Qué se puede ver nesti espaciu?

Mientres la visita guiada vas poder ver munchos de los espacios onde trescurre'l día ente día de la Xunta Xeneral d'Asturies. Ente elles, ta la Sala Xovellanos, onde se faen xuntes de les comisiones parlamentaries. Acondicionóse con esti propósitu na reforma que se realizó nel edificiu na III Llexislatura.

Tamién va poder visitase l'Hemiciclu. Inauguróse'l 4 de payares de 1998, dempués d'una reforma especial que significó la recuperación d'esti espaciu pa la xera parlamentaria. Arrodiáu per zones de xunta y descansu, el Salón de Plenos nuevu ye un espaciu que dexa un desenvolvimientu correctu de les xuntes onde s'asitien los 45 diputaos de la Xunta Xeneral, más los miembros del Conseyu de Gobiernu y los senadores escoyíos pola Cámara.

Xunto a estos espacios, otros tantos visitables, como la Sala de la Constitución o'l Salón Europa, ente otros. La Xunta Xeneral ta abierta a la ciudadanía y conocer como ye'l so funcionamientu ye un gran plan tanto p'adultos como pa los más pequenos.