Cada selmana vas poder atopar en VerAsturies.com les recetes llambiones de la escritora Beatriz Rato.
Ingredientes:
Un llitru de llechi, 150 gramos d’azucre, dos clares de güevu, la corteya de dos llimones, unes gotes de xugu de llimón.
Procedimientu:
Mecer l’azucre cola llechi y añidir les corteyes de los llimones cortaes enteres. Cocer cinco minutos revolviendo delles veces con una cuyar de palu. Retirar del fueu y pasar a una escudiella que puea dir al conxelador.
En enfrescando, quitar les corteyes de los llimones y metelo nel conxelador hacia una hora, hasta que empiece a cuayar.
Montar entós les clares a puntu ñeve echando-yos cuatro o cinco gotes de xugu de llimón y mecelo cola llechi que tea nel conxelador. Dexar cuayar más o menos según gustos y servir en vasos individuales con un pocoñín de polvu de canela porriba.
Ye importante servir darréu pa que conserve la testura ideal.
Related posts
¿Cuála ye la meyor playa d'Asturies?
Newsletter
* ¡Vas recibir les últimes novedaes culturales y d'ociu n'Asturies!