En Castropol puede atopase un llocal de lo más especial. Nel restaurante Peñamar, amás d'esfrutar de mariscu d'Asturies, puedes visitar gratuitamente la so colección de relós espuestu na propia cafetería.
Namás entrar al restaurante atoparáste col muséu de relós. Na década de los 60 el fundador, D. José Martínez Díaz, entamó col coleccionismu d'antigüedaes y, concretamente de relós. El fíu, Marcelino Martínez Vinjoy, continúa anguaño.
Vas poder ver los 40 relós que cuelguen de les parés, pieces de gran valor sentimental, la más antigua datando del añu 1747. Amás de relós, el restaurante tamién espón máquines de coser antigües, llámpares, máquines de facer carambelos, ente otres obres artístiques.
El restaurante dispón de trés amplios salones pa celebraciones de banquetes. El más antiguu cuenta con una capacidá de 180 persones, el más reciente tien espaciu pa 160 persones y el más ampliu puede acoyer hasta 300 comensales. Si'l númberu de clientes ye reducíu, el restaurante cuenta con un comedor anexo de menor tamañu que tamién dispón de parrilla.
El Restaurante Peñamar ye conocíu pola celebración de banquetes de boda, bautizos, comuniones, comides de grupos... Proporcionen ensin compromisu información a interesaos, amás de la posibilidá d'una degustación del menú. Nesti dan importancia a los productos llocales.
Los banquetes de boda pueden celebrase en dalgún de los trés salones amplios con vistes a la Ría del Eo. Esiste la posibilidá de reservar dos salones pa ufiertar el aperitivu de bienllegada nun espaciu diferente. El restaurante recibe a los convidaos con un aperitivu de biellegada completu (tostaes variaes, brochetes, cremes fríes y calientes). La pareya puede ampliar esti surtíu.
Al menú añádese tamién la posibilidá d'un rincón dulce, una fonte (fondué) de chocolate y frutes, una mesa de delicies asturianes, lunch... Al igual que les bodes, los banquestes de Primera Comunión y Bautizos tán persolicitaos. Nestos casos dispónse de menús específicos y otros especiales pa los neños. Dispón d'una carta na que se detallen los alerxenos, asina como de menús especiales pa les persones con problemes d'alerxies o intolerenacies alimenticies.
Pa les celebraciones, el restaurante ufierta un serviciu de recepción de los convidaos. Posteriormente sírvese'l menú seleccionáu, pudiendo completase con un serviciu de barra llibre y lunch. L'establecimientu completa la so ufierta con limusina y un Rolls Royce, a disposición de la pareya pal so reportaxe fotográficu y pa los desplazamientos el día de la boda. Pa terminar, la dirección del restaurante va regalar a la pareya que lu quiera, l'aloxamientu nes sos instalaciones pa la nueche del banquete.
Un llugar diferente, afayízu, que te va facer sentir como en casa.
Vas poder atopálu nel Complejo Peñamar, Carretera N-640, 33760, Castropol.
