Chiringuito Manolo
Tres un llargu día na sablera de Xivares y Peña María (nel conceyu de Carreño), el to llugar pa tomar daqué ta en Chiringuito Manolo, concretamente nel accesu a esti guapu arenal. Trátase d'un llugar con bien bon ambiente y un tratu personal que va facer que te sientas como na to propia casa y, onde vas poder esfrutar d'esos momentos a la fin del día col atapecer nel paisaxe. Pero non solo a la fin de la tarde, tamién puedes esfrutar del to día na sablera comiendo equí, onde destaquen como especialidá de la casa les sardines y el bonitu a la plancha, preparaos de forma tradicional pa que saborguies de la meyor manera estos platos. En definitiva, Chiringuito Manolo ye'l llugar al que dir en cualquier momentu si visites Xivares.
Dirección: Playa de Xivares, Carreño, Asturies
Horariu: De 12:00 a 21:00
Teléfonu: 647 52 49 11
Chiringuito de Andrín El Castru
L'oriente d'Asturies ye esi llugar onde les sableres son de suañu. Un bon exemplu d'ello ye la sablera d'Andrín, nel conceyu de Llanes. Ellí, vas poder esfrutar del golor a salitre, una sablera que namora a quien la conoz y una bona comida gracies al Chiringuito d'Andrín El Castru. Nesti negociu, vas poder desconectar con un arenal y unos paisaxes impresionantes mientres saborguies les sos delicioses comíes y cenes. Pexes, mariscos, diverses carnes, sidra… Tolo que precises pa un bon día na sablera tiéneslo n'Andrín onde nun cierren la so cocina y, amás, ufierten parrilla tolos díes de 19:30h a 23:00h. Lo difícil va ser nun probar dellos de los sos productos. El paraísu ta esperándote nel Chiringuito d'Andrín El Castru, con actuaciones cada fin de selmana. Nun lo duldes y visítalo.
Dirección: Playa de Andrín, Llanes, Asturies
Horariu: Llunes a domingu de 11:00 a 00:00 (La cocina abre de 13:00 a 00:00)
Teléfonu: 678 91 22 26
Páxina web: Chiringuito de Andrín El Castru
Terrazas Ipanema
Na Playa España (conceyu de Villaviciosa) y énte unos paisaxes de suañu, podemos atopanos coles Terrazas Ipanema, un llugar que combina distinta inspiración caribeña y tropical. Esti negociu ye un sitiu bien prestosu pa esfrutar del branu, de los sos atapeceres na sablera; ha destacase qu'anguaño la sablera ta preciosa, exótiques bébores y estupendos cócteles mientres compartes un bon momentu colos tos amigos, pareya o familia. Nós encamentámoste que pruebes los sos deliciosos mojitos y, como novedá d'anguaño, los sos refrescantes smoothies. Pero dempués d'un día intensu de sablera, que meyor qu'una hamburguesa.
Ipanema ye'l to llugar si te gusta esfrutar del branu con música, yá qu'ufierta sesiones DJ esclusives. Y, amás, disponen de zones petfriendly. Terrazas Ipanema, un llugar onde desconectar esfrutando del branu.
Dirección: Playa España, Villaverde de la Marina, Villaviciosa
Horariu: 12:00 a 00:00 (tolos díes salvo que'l tiempu seya mui desfavorable)
Teléfonu: 985 89 48 98
Páxina web: terrazasipanema.com
Instagram y Facebook: @terrazasipanema
Chiringuito Cuevas del Mar
Mui cerca de la sablera de Cuevas del Mar ta esti chiringu, un llugar perfectu pa desconectar, yá que dende que llegues, te envolubra una sensación de tranquilidá y guapura natural. El chiringu ta perfectamente integráu na redolada y ye'l llugar perfectu pa relaxase y esfrutar de les impresionantes vistes. Puedes saborguiar la so esquisita comida, (ónde ha destacase'l pulpu o'l cebiche, amás de delicioses opciones veganes) o tomate un cóctel mientres almires el mar azul brillante y el paisaxe costero. En resume, el Chiringuito Cuevas del Mar ye un llugar escepcional onde puedes somorguiate na guapura de la naturaleza. Col so ambiente relaxante, serviciu calidable y bona música ye'l llugar ideal pa esfrutar de momentos especiales con amigos, familia o pareya.
Dirección: Playa Cuevas del Mar, Llanes, Asturies
Horariu: Tolos díes de 11:00 a 22:00.
Teléfonu: 609 84 00 92
Páxina web: Chiringuito Cuevas del Mar
Chiringuito Torimbia
Dempués d'un llargu día de vacaciones, diversión y descansu na sablera, lo que más apetez ye sentate nuna terraza o chiringu a tomar daqué colos tos amigos o familia. Con más de cuarenta años dando serviciu prácticamente al pie de la mar llanisca, atopamos el Chiringu Torimbia. Bona comida, bonos precios, bon tratu a los clientes y meyores vistes, sobremanera al atapecer, coles puestes de sol. Na carta del CHIRINGU DE TORIMBIA vas atopar raciones y bocatas, pero non solo eso, tamién pescaos, mariscos, fabada, cachopu… y, por supuestu, el so platu estrella: la so famosa paella de mariscu, qu'ellaboren por encargu. ¡Visitar esti chiringu va date ganes de volver a esti arenal tolos díes!
Dirección: Playa de Torimbia, Niembru, Llanes
Horariu: Tolos díes de 11:00 a 22:00.
Teléfonu: 679 63 15 26
Páxina web: Chiringuito Torimbia
