NATURALLER, en Les Caldes (Uviéu), lleva años averando’l turismu activu n’Asturies con delles ufiertes de tours y rutes, dende senderismu, pasando per rutes acuátiques, hasta cicloturismu, siendo pioneres na programación de rutes en raquetes de ñeve n’Asturies (promocionando esti deporte na comunidá), y tamién nel descensu en canoa pel ríu Nalón, dende Les Caldes a Trubia. Y ye que en NATURALLER cunten con una montonera d’actividaes, siempres personalizaes en función de los intereses, esperiencies anteriores o l’estáu físicu del cliente. Con más de doscientes llocalizaciones y con una asistencia personalizada vía teléfonu o Whatsapp, van poder resolver toles tos duldes sobre cualesquier de les actividaes.

Mientres estes feches, nes que la ñeve entama a facese pelos paisaxes asturianos, les rutes de raquetes na ñeve son ensin dulda les mas recomendables pa un iviernu diferente nel que posturear d’esta peculiar escursión o, simplemente, esfrutar d’un paisaxe inigualable.

Como ye habitual, NATURALLER dispon de dellos tipos de rutes:

Una ruta de nivel d’iniciación pensada y diseñada pa families con neños y persones que faen poco exerciciu o simplemente quieren esperimentar coles raquetes de ñeve. Un momentu perfectu pa esi primer contactu con esti tipu de rutes. Una ruta d’unes dos hores de duración nes que se van percorrer unos cinco kilómetros.

Tamién cunta con una ruta de nivel fácil, pensada pa persones más actives que la de nivel anterior (mozos y neños mayores de 10 años), con actividá física habitual o de monte. Una ruta d’unes tres hores de duración na que se percuerren unos seis kilómetros.

L'últimu nivel, el nivel mediu, trátase d’una ruta más avanzada que’l restu pensada pa persones en buen estáu físicu y que yá ficieron otres actividaes na ñeve. Una ruta col oxetivu de pasar una xornada en monte y facer exerciciu físicu, con una duración d’ente cuatro y cinco hores y media y un percorríu d’unos 10 kilómetros.

Amás d’estes trés rutes, nun podemos escaecer la impresionante ruta nocherniega. Un percorríu nun terrenu llanu mientres dos hores en plenu monte. Una esperiencia única na qu’esfrutar d’una visibilidá inigualable de les estrelles, la lluz de la lluna y la borrina na que, por supuestu, NATURALLER toma midíes de seguridá especiales pa garantizar y minimizar riesgos nesta actividá d’aventura.

Pa estes rutes (toes guiaes y dirixíes por guíes de monte titulaos oficiales) recomiéndase llevar ropa y calzáu de monte, gafes de sol (obligatoriu), guantes, gorru, crema solar y mochila con un pinchu y agua.

Amás d’estes actividaes, pa los más espertos coles raquetes, NATURALLER alquila raquetes de ñeve marca TSL (les mesmes qu’usen pa les sos rutes), llíderes en calidá y polivalencia. Nun escaezas que puedes escoyer ente dos tamaños (neños y adultos) y nun escaezas tampoco los bastones pa repartir el pesu y esfuerciu que vas facer na to ruta ente los brazos y piernes y asi ayudate a caltener l’equilibriu.

Estes actividaes diferentes y más qu’apetecibles pal iviernu vas poder consultales y facer la to reserva na so páxina web ensin escaecer la posibilidá d’un asesoramientu personalizáu al traviés del so Whatsapp 622 08 45 45 o per teléfonu al mesmu númberu. Una oportunidá única pa una esperiencia única.