El 31 avientu, o Nuechevieya, ye una fecha bien especial onde nun puede faltar la fiesta. En munchos establecimientos yá se preparen pa ello y en VerAsturies queremos encamentate dalgunu de los meyores llugares nos que pasar la última nueche del añu… o la primera, según como lo veas.
Marieva Palace
En Xixón, un clásicu pa celebrar una nueche tan especial como la Nuechevieya ye'l Marieva Palace. Nesti establecimientu avaláu pola esperiencia vas poder esfrutar d'una cena de gala y una fiesta de nuechevieya inigualable. Con serviciu d'autocares, l'eventu va empezar a les 20:30 hores con un coctel de bienvenida que va preceder a la gran cena, compuesta por bugre azul y txangurro en concha de Santiago, crema marinera con brocheta de vieira, sorbete de llimón y vodca y paletiya de lechazo confitada nel so zusmiu y pataques al romeru. Tres ello, la gran fiesta amenizada pol grupu Escurres, con barra llibre, dulces navidiegos y muncho más. Tou ello rematáu por un fin de fiesta con churros, gofres y sopa castellana. ¡Nun puedes faltar!
Dirección: Carretera, AS-II, 3315, Xixón
Teléfonu: 985 16 80 14
Horariu: Llunes a xueves de 11:00 a 19:00. Vienres a domingu de 11:00 a 23:30.
Páxina web: marieva-palace.com
Palacio de la Magdalena
Un bon sitiu pa celebrar la última nueche del añu ye nun llugar privilexáu como'l Palacio de la Magdalena. La nueche en Sotu’l Barcu va empezar a les 20:30 hores, cola recepción y un cóctel de bienvenida con hasta 6 propuestes gastronómiques. Tres ello, a les 21:30 hores va dar empiezu la cena d'un menú compuestu por langostinos d'Huelva cocíos en dos salses y vieira gratinada, llubina selvaxe al cava con verdurines y pataca panadera, mimosa de llimón, medallones de pierna llechal a baxa temperatura con cremosu d'espinaques y setes salteaes y brownie de chocolate templáu con piña en testures. Tres ello, va empezar la fiesta col cotillón con barra llibre y música de Nachete DJ hasta les 5:00 y un fin de fiesta con sopes d'ayu y chocolate con churros. ¡Un plan ideal pa esta nuechevieya qu'amás puedes acompañar cola estancia nel hotel!
Dirección: Finca La Magdalena, s/n, Sotu’l Barcu
Teléfonu: 985 58 88 99
Horariu: Llunes a vienres de 9:30 a 14:00 y de 15:00 a 19:00. Sábados de 10:00 a 13:00 y de 16:00 a 19:00. Domingos de 11:00 a 13:00
Páxina web: hotelpalaciodelamagdalena.com
La Hacienda de La Llorea
Nun llugar idílicu, como La Hacienda de La Llorea, tamién puedes celebrar la última nueche del añu y empezar unu nuevu de bien bona manera, con cena, baille y allegría. La nueche va empezar a les 21:00 hores con un coctel de bienvenida compuesta d'hasta 8 opciones gastronómiques. Mas tarde, va dar empiezu la cena, compuesta de caldereta bugre y centollu, llombu de llubina y el so arroz al wok, sorbete de piña colada y xarrete de ternascu con parmentier de setes. Pa rematar, de postre va haber coulant de turrón y artimora. Tres ello, va empezar el momentu más esperáu de la nueche, la despidida del añu. Les campanaes, con cotillón y uves, van dar pasu a la fiesta con DJ Opera Eventos y barra llibre, amás de candy bar y fonte de chocolate. Y si lo que t'esmolez ye como llegar, hai autobuses especiales pa la ocasión. ¡Nun tienes escusa!
Dirección: Carretera Caneiru-Ribeseya 6779, N-632, 33394 Xixón
Teléfonu: 985 36 11 25
Páxina web: lalloreagolf.com
