Un bon platu cuando sales a xintar o cenar ye una d'eses hamburgueses gourmet que tan de moda punxéronse últimamente. En VerAsturies, queremos encamentavos estos establecimientos onde tastiar una d'eses hamburgueses.
Willl Bar
En Willl Bar vas poder atopar l'hamburguesa qu'andabes buscando. Esti restorán de comida americana atesora calidá y saber facer con más de 12 años d'esperiencia, daqué que se nota al tastiar los productos de la so amplia carta. Nella vas poder atopar sandwiches, bocaos, platos combinaos, ensalaes o les sos especialidaes, como por casu verduras a la plancha o escalopes de xata o pitu preparaos de la manera tradicional o a la napolitana. Pero si daqué destaca, son les sos hamburgueses, hot dogs y pizzas, feches col mimu d'una bona comida casera ensin perder la esencia d'esti productu tan deliciosu. En Willl Bar espérente colos brazos abiertos. ¡Nun esperes más y pruébalo!
Dirección: Cai Catedrático Miguel Traviesas 13, Uviéu
Horariu: Domingos a vienres de 9:00 a 00:00 hores y sábados de 17:00 a 00:00 hores.
Teléfonu: 984 84 12 19
Páxina web: willlbar.es
La Más Canalla
En La Más Canalla son auténticos especialistes n'hamburgueses. Con un productu totalmente natural, la so carne 100% de vacunu otorga un sabor únicu a les comíes nesti establecimientu de Xixón. Ellí, vas esfrutar de la combinación de diversos ingredientes, escoyíos cuidadosamente pa crear una bona hamburguesa que lleva nome de muyer, na que ponen tol so esfuerzu y enforma enfotu. Como acompañamientu, siempres van tar les sos pataques gayu y la so salsa canalla, pero d'esta nun podemos desvelar la so receta. Amás, tienen una bona variedá d'entrantes y, si prefieres otros platos como ensalaes, wraps o hot dogs, tamién vas poder esfrutalos equí, rematando con dalgún de los sos postres. Les hamburgueses de La Más Canalla t'esperen.
Dirección: Cai San Bernardo 29, Xixón
Horariu: Miércoles de 20:00 a 23:00 hores; xueves y domingu de 13:00 a 16:00 horas y de 20:00 a 23:00 hores y vienres y sábados de 13:00 a 16:00 hores y de 20:00 a 24:00 hores
Teléfonu: 984 19 79 72
Páxina web: lamáscanalla.com
El Pozu 2.0
N'El Pozu 2.0 tienes el llugar de referencia pa tastiar unes bones hamburgueses smash na cuenca minera asturiana. Ellí vas poder escoyer la to favorita d'ente la so amplia carta, que cunta con más de diez referencies. Nes sos hamburgueses combinen dalgunos de los sabores más deliciosos pa crear el sabor que define caúna de les opciones que t'ufierten equí. Amás, na so carta tamién ufierten sandwiches, amás d'unos entrantes ideales pa picar mientres esperes a eses hamburgueses que, n'El Pozu 2.0, preparen curioso poniendo tol so enfotu y dedicación. Por eso, el to establecimientu d'hamburgueses en La Pola Llaviana ye El Pozu 2.0, onde seguru que vas repitir.
Dirección: Cai Ríu Cares 2, La Pola Llaviana
Horariu: Llunes a vienres de 7:30 a 00:00 hores y sábados y domingos de 9:00 a 00:00 hores.
Teléfonu: 984 29 78 35
Páxina web: lafude.com/elpozu
