L'Asociación Cultural Llacín y la Fundación Muséu Etnográficu del Oriente d'Asturies, convoquen la novena edición del Mercadín Solidariu, que se va celebrar los díes 9 y 10 d'avientu nel edificiu polivalente de l'Asociación en Porrúa.
Con esta acción, l’Asociación y el Muséu tienen un doble oxetivu: por una parte dar salida y poner en circulación esos oxetos que tán nos desvanes, garaxes y estanteríes, que consideramos inservibles pero que pueden ser aprovechaes por otres persones que los merquen a un preciu simbólicu. Esti tipu de mercadillos suponen un puntu d’alcuentru ente quienes busquen desfacese de trastos que ya nun usen, y los que busquen llibros, muebles o ropa a precios razonables. Y por otro, recaudar fondos con fines culturales, destinaos al caltenimientu de la colección del Muséu y al desenvolvimientu d’actividaes culturales que se promueven mientres l’añu.
Por eso dende l'Asociación y el Muséu animen a tolos vecinos del Oriente a fae-yos llegar llibros, muebles, ropa, menaxe de llar, xuguetes y tolo qu'almacenen ensin utilizar y que tea en bon estáu, para ponelo a la vienta y da-y una segunda vida.
