Esta ruta, de calter circular, empieza na Casa del Miel, asitiada na población d'El Mazu. A los pocos metros d'empecipiar el trayectu atopamos col primer encruz y optaremos por siguir el camín de la esquierda. Mediu kilómetru más p'alantre, apaez el siguiente encruz, onde volvemos optar de nuevu pel camín de la esquierda. Una vegada percorríu'l primer kilómetru, aprosimao, siguimos pel camín de la esquierda y enfusamos nel preciosu monte, onde a los 500 metros vemos una ponte que tendremos de cruciar pa siguir la nuesa ruta, dexando l'aldega d'As Viñas a la nuesa esquierda.

Cuando llevamos andaos unos 2,5 kilómetros, topamos la casería de Riumayor, que cunta na actualidá con trés viviendes, nenguna habitada. En saliendo del monte, nel kilómetru 4,3, aprosimao, atopamos ente un claru un camín a la izquierda; dexar tras y siguimos tou rectu, enfusándonos de nuevu nel monte. Lo mesmo vamos faer unos metros más palantre, cuando va apaecer de nuevu un encruz, pero siguimos rectu ensin esvianos. Nel encruz de caminos qu'atopamos al altor del kilómetru 5, optamos pel camín de la derecha, pasando per delantre del pueblu de Pendia, y unos metros más palantre esviamos a la derecha pa empecipiar l'ascensu escontra'l pueblu de Villanova, pa poder ver los famosos castros de Pendia. Caminaos unos dos kilómetros más, incorporamos a una pequeña carretera, onde siguimos rectu, hasta llegar a un puntu onde la carretera xira escontra la esquierda, y nós tomamos el camín que va escontra la derecha.

Algamaos los primeros 10 kilómetros, tenemos qu'afitanos perbién na señalización de la ruta, marques marielles y blanques, y tomamos el camín que ta más a la derecha, que vamos siguir ensin esvianos nes cruces qu'apaezan.Una vegada llegaos al pueblu de Llaviada, realizaos unos 12 kilómetros del percorríu, tomamos el camín de la derecha y, unos pocos metros más palantre, xiramos de nuevu escontra la derecha y siguimos tou rectu ensin esvianos del camín, dexando a la nuesa derecha As Cabanas. A los 15,5 kilómetros, aprosimao, yá casi a la fin del trayectu, llegamos al mesmu puntu nel qu'al entamu de la ruta metímonos escontra'l monte. Para llegar a la Casa del Miel de nuevu namá tenemos que volver pol mesmu camín, pero en sentíu contrariu.