Tinéu ta nel suroccidente d'Asturies. Tien llende colos conceyos de Valdés, Cangas, Villayón, Ayande, Salas, Balmonte y Somiedu. Tinéu destaca pola so naturaleza y los sos paisaxes onde predomina'l verde de los montes. Dientro d'esti conceyu pueden facese delles rutes de caminar, ente elles la ruta Las vueltas del Gato.
Característica de la ruta:
- Tipo de percorríu: Ruta Circular
- Dificultá: Media
- Distancia: 12 Km
- Duración: 4 hores
Las Vueltas del Gato son un camín tropezosu, escaváu na peña en forma de zig-zag, usáu polos vaqueiros d'alzada cuando faíen l'alzada pa pasar de les brañes d'iviernu a les de branu y viceversa.
Esta ruta empecipia na salida del pueblu de Naraval. Llegamos al altu del Trixeito, onde torcemos a la derecha, abandonando la carretera y siguiendo'l camín que nos conduz a la Braña de Silval.llana. Más p'alantre vamos tomar una pista forestal que nos llevará hasta l'entamu de las Vueltas del Gato. Baxamos les vueltes con cuidu que va ser la zona de más pendiente de tola ruta.
Pocu dempués atopamos col espectacular pozu que formen los ríos de Navelgas-Bárcena. Cuando dambos ríos se xunen col Naraval aníciase'l Esva. Esti ríu va haber que crucialo, polo que vamos tener que cruciar descalzos.
En travesándolo, vamos tener que xirar a la derecha pa coyer un camín pa xubir hasta la Sierra de Balbón. Rematada la xubida y yá na Sierra de Balbón, solo vamos tener que siguir per llanu. Esisten múltiples caminos, polo que ye necesario dir con atención pa nun perdese. Lo último que queda nesta ruta ye baxar pel camín de La Busteiriza y en siguiendo los nuevos caminos de la concentración parcelaria, que trescurren peles tierres y praos de Naraval, llegamos al centru del pueblu.
Si quies más encamientos sobre rutes n'Asturies pincha nel enllaz.
