«Cuando quise añadir a la librería cuentos pa mis hijos sobre esas biografíes femenines me di cuenta de que los nomes siempre se repetían. Y ensin tener referentes en nuesu entornu cercano, la lucha por la igualdad parecía un rellatu únicu que en toos los laos sucedió igual o que, como mínimo, ha acaecíu mui lejos de onde vivimos. Y yo dende pequeña vivu en Xixón». Así definió Alicia Álvarez «Asturianes», el llibru que dio llugar a la esposición de la que ahora hablamos.
La esposición Asturianes puede vese nel Centru de Cultura Antiguu Institutu de Xixón hasta’l próximu 29 de xineru nel horariu habitual del edificiu y ye una iniciativa de la Oficina de la Normalización Llingüística de Xixón.
Averámonos asina a la figura de venti muyeres y colectivos inspiradores d’Asturies: Aida Lafuente, Margarita Salas, Corín Tellado, Les Cigarreres, María Luisa García, Urraca l’Asturiana, Les Comadres, Muyeres o Xosefa Xovellanos son dalgunos de los nomes presentes nesti llibru qu’axunta muyeres de toles époques y perfiles: revolucionaries, escritores, científiques, deportistes, pintores, trabayadores, cocineres, polítiques y por supuesto, músiques.
12 de xineru. Charra: Tertulia feminista Les Comadres.
15 de xineru. Charra: Creando dende los márxenes: Julia Alcalde y el bodegón.
18 de xineru. Taller: frutes, flores y fanzines: (de)construyendo bodegones con Julia Alcayde.
23 de xineru. Conciertu: Alicia y Mar Álvarez.
25 de xineru. Charra: Urraca, el misteriu de la bastarda que quixo ser reina d’Asturies.
