La Gala Michelin que se celebra nel Palaciu de Congresos El Greco de Toledo anunció los nuevos restoranes con una Estrella Michelin que xuben a 29 n’España y a 5 en Portugal. Ente ellos destaca’l Monte, restorán de San Feliz (L.lena) y del que ye dueñu’l chef Xune Andrade y el Ferpel (Cuaña), propiedá del chef Elio Fernández.
Con elles, Asturies suma dos nueves Estrellas Michelín, un orgullo pa nuesa tierra. Un orgullo que defendía Xune Andrade con estes palabres tres el anuncio: «Esto ye un reconocimientu extendíu a la cuenca minera asturiana, a tola xente que llucha por que la cuenca asturiana siga, por que haya futuro en unas tierres como les nueses, por mi padre, por la familia, por tolos mis collacios, polos mis amigos y por que el mundu de la gastronomía siga siendo joven y siempre podamos ser felices faciendo lo que nos gusta, que ye cocinar pa los demás».
Asturies cuenta anguaño con un total de 10 Estrelles Michelín. Estos restoranes son: Auga (Xixón), Casa Gerardo (Prendes), Real Balneario (Salinas), Casa Marcial (La Salgar), El Corral del Indianu (Les Arriondes), Monte (L.lena), Ayalga (Ribeseya), Arbidel (Ribeseya), El Retiro (Llanes) y Ferpel (Cuaña)
