Aviles ye la tercer capital en poblacion d’Asturies, xusto detras de Xixon y Uvieu. Y ye qu’Aviles tien una llocalizacion mas que privilexada: xusto ente les dos grandes ciudades d’Asturies y comunicada con tol pais al travies d’una amplia rede d’autovies. Una amplia poblacion como la que tien Aviles namas puede traducise nuna amplia varieda de negocios que dibuxen les cais d’esta guapa ciuda. Son estos datos los que faen que’l comerciu y la hosteleria de la villa avilesina seyan un de los motores mas importantes de la economia asturiana.
Nun cabe nenguna dulda de que si hai una cai que representa too esto, esa ye la cai La Camara, la cai principal d’Aviles. Esta cai marca les llendes de l’antigua zona dientro la muria de la ciuda y que debe’l so nome a una antigua fonte medieval, convirtiose dende’l sieglu XIX nel exe comercial de la ciuda d’Aviles. Ye una cai d’unos 130 metros de llargor que cunta con una montonera de llocales de comerciu, hosteleria y ociu. Negocios por desgracia afectaos por mor de la crisis sanitaria que tamos sufriendo anguano, pero que consiguen resistir gracies a la so fuercia, llucha y ganes d’anovase y adaptase a lo qu’estos tiempos esixen. Como curiosida, namas nesta cai podemos atopar seis optiques y seis perfumeries. ¡Nun hai dulda que Aviles aviva tolos sentios!
Y ye que pocos llugares hai mas urbanos qu’Aviles n’Asturies. Non en vano, ye ehi onde podemos atopar el Muséu de la Hestoria Urbana, un muséu qu’esplica la evolucion de la ciuda d’Aviles y el so desarrollu nos ultimos sieglos. Un muséu que ta asitiau na cai La Ferreria, una cai que ye, per se, un paseu pel tiempu. Ehi, el comerciu entamo a dar los primeros pasos de la villa avilesina nesta cai que foi la mas transitada en tiempos nos que les muries llendaben la ciuda. Un mercau medieval que solia recoyer la guapa recreacion de los mercaos medievales demientres el branu. N’Aviles lo del comerciu vien de bien llone.
Amas, tamos falando d’una ciuda que cunta con un privilexu cola que cunten poques nel mundu: tener namorau al prestixosu director de cine Woody Allen, cualida que comparten con unes poques ciudades europees mas (ente les que tamien ta la capital asturiana). Aviles asomose brevemente na pelicula Vicky, Cristina, Barcelona nel anu 2008. Y foi la plaza’l Carbayu (amas d’una guapa escena nel faru d’Aviles) la que se fixo una prestosa apaicion na pelicula del direutor estaoxunidense. Otra cai bien afayadiza pa mostrar como’l comerciu, y sobre too, la hosteleria ye un pegoyu bien importante p’Aviles. Una plaza con bien de restoranes y sitios onde poder esfrutar de dalgunos de los platos mas representativos de la gastronomia asturiana, como la fabada, el pote y el cachopu. Tampoco falten nes cartes, claro, los pexes y mariscos, munches vegaes direutos del puertu a los platos de los restoranes.
