Nel corazon de la Comarca de la Sidra atopamos el conceyu de Cabranes, un territoriu pequenu pero con muncho que ufiertar, tantu dende’l puntu de vista de la naturaleza como del patrimoniu y la gastronomia. Un llugar perfectu pa conocer el monte asturianu y esfrutar de tolo qu’esti ufre.
El conceyu de Cabranes tien una importante riqueza patrimonial. La mayoria son construcciones modernes, del sieglu XVI al XVIII, como la capiella de Santa Ana (Madieu), el santuariu de la Virxe del Carme (Arboleya) o la ilesia de San Martin (Torazu), ente munches otres. Sicasi, destaquen dos ilesies, la de Gramau, fundada nel sieglu IX y restaurada nel sieglu XIX, y la de Vinon, ilesia romanica del sieglu XII con elementos prerromanicos del sieglu IX y que ta catalogada como Bien d’Interes Cultural.
En Cabranes tamien pues visitar un de los pueblos mas guapos d’Espana y que nel anu 2009 llevo’l premiu Princesa d’Asturies al Pueblu Exemplar. Tratase de Torazu, un pueblin que malapenes supera los 100 habitantes y que caltien tola esencia de l’arquitectura tradicional asturiana al traviu de la capiella de la Sienra, casa La Mira, la ermita y la ilesia de San Martin el Real o les cases onde viven los sos propios habitantes.
A lo ultimo, de Cabranes destaca la so gastronomia, bien defendida polos sos habitantes per aciu les xornaes gastronomiques. Destaca’l Festival del Arroz con Lleche, declarao d’interes turisticu rexonal y que se celebra en Santolaya mientres la festivida de San Francisco de Paula y nel que presumen de ser los mayores productores d’esti postre tan asturianu. De la mesma manera, en Torazu celebrase’l Festival de la Borona en forna cada mes de xunu, un tradicional platu ellaborau con farines y cociu ente fueyes de berces. Suel rellenase con chorizu, xamon y panceta pa depuues cocinala nes tipiques fornes de Torazu, que-y dan un toque especial.
Cabranes ye, en definitiva, un llugar pa esfrutar d’Asturies, de la so naturaleza y paisaxe, gastronomia y cultura. Cabranes ye un conceyu pa vivilu.
