Siguiendo los pasos del pacíficu osu pardu pue llegase a afayar los llugares más escondíos de Cangas del Narcea.
Una tierra de valles serraos, montes milenarios y pueblinos onde afayar la esencia d’Asturies. Llugares verdes de naturaleza pa esfrutar con un paséu, practicar senderismu, realizar salíes d’observación de fauna o esfrutar de caminos en bici conociendo’l Parque Natural de las Fontes del Narcea, Degaña y Ibias y la Reserva Natural Integral de Munie·llos (Reserva de la Biosfera y Rede Natura 2000).
Pon unos zapatos cómodos porque nun vas poder parar de caleyar, nun escaezas que Cangas destaca pol so ricu patrimoniu cultural. Entama pol Monesteriu de Courias (sieglu XI), remocicáu como Parador Nacional de Turismu; la villa de Cangas caltién nel so cascu hestóricu palacios, ilesies, pontes…
Nun dexes de ver el Centru dedicáu al dramaturgu asturianu Alejandro Casona en Bisuyu o los pueblos onde abonden palacios y casones, ilesies de tradición románica y gótica y construcciones típiques como horros, brañes, cortinos, corripes, molinos y fontes.
Pa los apasionaos pola artesanía, en Cangas entá perviven vieyos oficios como los alfareros qu’ellaboren la cerámica, los madreñeros… Puedes facer la Ruta’l Xardín, la de Siero o La Ruta de los Puertos. Tola hestoria y paisaxe de Cangas nun te va decepcionar.
La gastronomía ye la base pa la esperiencia. Tienes que probar el caldu de berza, la carne roxa, el butie·llu o’l tradicional corderu de lleña. Too ello amesta colos vinos, porque Cangas tamién ye cultura de vinos. Ye la única Denominación d’Orixe Protexida Vinu de Cangas. Nun hai nada como bebelo direutamente d’un cuencu de madera. Pues, amás, Cangas ye, dende 2018, Ciudá ensin Gluten d’España.
- Conceyu
- Cangas del Narcea
- Sección
- Escapaes
- Fecha
