Como cada agostu, Tazones acueye la recreación histórica del desembarcu de Carlos V y la so corte’l próximu sábadu 29 d’agostu. Conmemórase al traviés d’esti teatru en vivu, qu’inclúi a una centena de figurantes, la llegada per primer vegada a la Península Ibérica de Carlos V en septiembre de 1517 dende Flandes. La celebración d’esta efeméride recibe’l títulu de Fiesta d’Interés Turísticu Rexonal del Principáu d’Asturies y trai dellos eventos festivos y culturales a lo llargo del conceyu de Villaviciosa.
El desembarcu del rei
La programación festiva empieza la mañana del mesmu sábadu, con música, espectáculos de cetrería, pesca, esgrima y percorríos guiaos en Tazones, ente otros. Nun va ser hasta la tarde, alredor de les 19:30, que va tener llugar la recreación histórica. Carlos V va aportar en Tazones de la mano del Engelen, nave-tronu que-y dexó algamar la mariña asturiana fái yá más de 500 años. Siguiránlu vecinos y figurantes del conceyu amarutaos de cortesanos y sirvientes, amás de la recepción oficial y la presencia d’autoridaes en tierra firme. El monarca hispánicu va desfilar per Tazones y va mover el focu de la fiesta a la capital del conceyu pal próximu día.
Domingu de fiesta en Villaviciosa capital
Anque dende’l sábadu va haber eventos y actividaes pa tola familia en Villaviciosa, va ser el domingu’l día grande na capital del conceyu homónimu. El Mercáu del Desembarcu va celebrase dende’l sábadu na plaza Caveda y Nava, pero va ser acompañáu’l domingu pela Ruta Imperial Carlos I Tazones-Villaviciosa, más xuegos y animaciones musicales, amás d’otres muestres históriques. La Casa de los Hevia va acoyer coles mesmes una esposición dedicada a Carlos V, escenes de dómina y la esposición temporal “Mary4all. El suañu d’una princesa de la Renacencia”.
La relevancia cultural del Desembarcu de Carlos V
Amás de ser Fiesta d’Interés Turísticu Rexonal, el Desembarcu cunta cola collaboración de delles asociaciones veníes de munches partes d’España. Por casu, ye’l casu de l’Asociación Vecinal Pedro Menéndez, d’Avilés, o l’Asociación Comandefe, de Pimiango, asina como l’Asociación Cultural El Palenque, de Laredo, l’Asociación Aguilarense Carlos I, d’Aguilar de Campoo o les Cordureres Reales de Medina del Campu. El Desembarco ta reconocíu pol Conseyu d’Europa como Itinerariu Cultural, dientro del marcu de les Rutes Europees de Carlos V.
El eventu
- Cuándo
- 29-30 d'agostu
- Ónde
- Tazones y Villaviciosa
Programa
Sábadu 29 d'agostu
- Pela mañana Música, cetrería, pesca, esgrima y recorríos guiaos en Tazones
- 19.30 Recreación histórica del desembarcu de Carlos V
Domingu 30 d'agostu
- Tol día Mercáu del Desembarcu na plaza Caveda y Nava
- Día grande en Villaviciosa capital
- Conceyu
- Villaviciosa
- Sección
- Axenda
- Fecha
