Villaviciosa ye capital mazanera y, como nun podia ser d’otra manera, organiza un festival al rodiu del frutu que tantu simbolismu tien n’Asturies y, especialmente, na Comarca de la Sidra, onde podemos alcontrar el conceyu maliayu.
Falamos del Festival de la Mazana de Villaviciosa, un eventu con bien d’historia qu’entama a apaecer nes cais de la villa nel añu 1960 y qu’anguaño tien llugar cada dos años, los impares, cuando la cosecha ye mas abundante. Ye, amas, unu de los festivales agroalimentarios mas antiguos d’Espana.
El responsable de too ello foi Sergio Alvarez Requejo, direutor de la Estacion Pomoloxica de Villaviciosa naquella domina, col envís de promocionar la mazana y la sidra. El festival garro tanta importancia que, de magar l’añu 1997, ta declarao como Fiesta d’Interes Turisticu del Principau d’Asturies.
Esti añu 2025, el Festival de la Mazana de Villaviciosa vuelve a la villa maliaya, llegando a la 35 edicion, una con un sabor mui especial. Nel concursu-esposicion van escoyese les meyores mazanes acoyies dientro de la DOP Sidra d’Asturies. Xunto a ello, va faese’l XXXII Campeonatu d’Escanciadores, puntuable nel Concursu Oficial d’Escanciadores d’Asturies, tou un espectaculu sidreru. Amas, va buscase la meyor tarta de mazana d’Asturies en categoría profesional y casera. Propuestes culturales, deportives y visites guiaes completen un programa intensu con componente solidariu.
- Conceyu
- Villaviciosa
- Sección
- Xintar y beber
- Fecha
