Castrillon orixenes (I)
L’asitiamientu de les primeres sociedaes agricoles y ganaderes n’Asturies tendrien d’allugase nel momentu del despegue de la cultura megalitica, cuando les sos realizaciones van tar presentes naquelles zones onde’l pastoriu s’atopaba mas asitiau. Van ser comunes entos los poblamientos en zones de media montana nes que’l pastu podia compartise con estayes cultivables.
Elementos significativos d’esta cultura son les construcciones funeraries que con frecuencia apaecen asitiaes en zones altes, bien visibles a considerables distancies y en puntos destacaos de montes o collaes con cuenta d’acutar rutes o llendes territoriales. Va ser nesti contestu nel que quepa suponer un tempranu y significativu poblamientu de Llaviana que s’atopa confirmau polos agrupamientos tumulares de la Campa Fresneo.
La Robella
Foi un arreglu parroquial el que dexo la so segregacion d’El Condao y posterior incorporacion a la parroquia de La Pola. De magar la construccion d’una via hasta La Robella que reorganizaba’l territoriu y axudicaba una nueva concepcion espacial al conceyu, al empar qu’una conexon de la poblacion cola capital del conceyu que facilitaba en bona midida’l so trescurrir diariu, otru tipu de servicios basicos retrasariense d’una manera bultable, anque sobre 1906 cuntaba con una escuela incompleta mista, magar qu’en 1911 apaez citada como una aldea de 25 habitantes.
La Robella formo parte de la parroquia d’El Condao hasta 1892. Con una altitu de 630 metros domina’l valle de La Cuesta y ocupa una pequena enllanada per debaxo del Picu Xerrubil y Campa Cimera. Esta altitu facilito una especializacion ganadera bien cotizada dende l’Antiguu Rexime.
L'Aldea, Boroñes y La Xerra
Dende la capiella de La Carida, y hasta llegar a la Casona de los Menendez en L’Aldea, puen percorrese los pueblos de La Ferrera, Boroñes y La Xerra, disfrutando a lo llargo del itinerariu de dalgunos de los paisaxes mas guapos del conceyu, gracies al preciosu y ampliu valle qu’estos conformen.
En Boroñes allugase la Capiella de Santa Rita, de la que se tien conocencia dende feches anteriores a la Restauracion y qu’enantes taba dedicada a San Ramon non natu. Destruyola una quema en mayu de 1934, xunto coles imaxenes que custodiaba, y posteriormente reedificada, siendo un centru relixosu de gran atraccion en tol Valle del Nalon y que la so celebracion, nel mes de mayu, tien muncha sonadia. Destaca nesta poblacion, amas, la conocida como Casa de Bernaldin.
En La Xerra, na que nun se constata la presencia d’establecimientu relixosu dalgunu, tenia munchu predicamentu la celebracion del antroxu, constituyendo la so fiesta mayor un antroxu que duraba diez dies y que se conocia como la fiesta’l pecau. En L’Aldea destaca, xunto al conxuntu palaciegu al que ya se fixo referencia, El Coron, que posiblemente fuera un asentamientu castrenu.
Casona de los Menendez. L'Aldea
Casa solariega de los Menendez Argüelles, una de les families d’abolengu de mayor raigan nel conceyu xunto los Alvarez Celleruelo (colos que facien frente comun ante les inxerencies del marques de Camposagrado), siendo rexidores perpetuos, acumulando numberosos cargos (escribanos de numberu y alferces de la capitania) y teniendo unos destacables dominios territoriales.
El palaciu, d’orixe barrocu, foi oxetu de numberosos cambios a lo llargo de los anos; remontandose anguano los sos resclavos mas antiguos al sieglu XVI y ampliandose de forma evidente a lo llargo de les dos centuries siguientes. Tocantes a la capiella-torre (advocada a San Francisco), llevantada sobre un pedestal de piedra, abrese n’arcu de mediu puntu con doveles de bona fechura y remata en cornisa de piedra de perfil abocelau baxo’l que s’alluga l’escudu nobiliariu (que’l so lema reza: «Por la Ley, por el Rey»). Declarose Bien d’Interes Cultural en 1995.
Ilesia parroquial d'El Condao
Identificada nos testos medievales como la ilesia-monesteriu de San Esteban de Salices, la ilesia parroquial d’El Condao donarala nel anu 1158 Dona Urraca, fia d’Alfonso VII, al monesteriu uviein de San Vicente. Remocicada y ampliada nel sieglu XVII y XVIII, tenia un importante retablu barrocu compuestu por columnes salomoniques que por desgracia nun se caltien de resultes de la quema que sufriere nos meses previos al espaniu de la Guerra Civil. D’aquella quema salvaron parte de los llibros parroquiales y la imaxe de la nuestra Senora del Rosario.
El Condao y el Torrexon
Nel centru d’El Condao funcionaba a mediaos del sieglu XIX un altu fornu pa la fundicion de cobre; y, en 1884, la socieda madrilena Romero Diaz y Compania construyia una fundicion moderna, con lluz eletrica y comunicada coles mines de Llampaces pente medies d’un cable ensin fin de 1.000 metros. P’hacia 1900 estes mines ya nun s’esplotaben.
La conocida como Casa de Rosa Elvira o del Xerron, construyola Luis Alvarez Junco en 1650, pasando darreu a manos de los Menendez de L’Aldea. Reformose nel sieglu XVIII, apaeciendo entos les inscripciones baxo los dinteles, por mor del usu del edificiu como albergue de pelegrinos, ya que’l so propietariu yera aba de Comiyera.
La presencia romana en Llaviana queda constatada col torrexon defensivu y de vixilancia d’El Condao, que la so construccion data de la epoca d’Augusto. El conceyu atopabase nel exe del itinerariu romanu que, dende’l puertu de Tarna, siguiria’l cursu del riu Nalon. La torre, alzada sobre una penasca de piedra caliar, beneficiase del estrechamientu que se produz na zona del Barrigon. Esta torre defensiva declarose Bien d’Interes Cultural en 1994.
