La compota de mazana ye un platu mui especial y cenciellu de preparar, ensin dulda un platu clasicu de la nuesa gastronomia polo barato del productu. Ye un postre que, mas alla de tar perbono, pue comese como acompanamientu de munchos otros platos o como merienda sana pa los mas pequenos de la casa.
Ingredientes
– 1 kg de mazanes (a ser posible de variedaes autoctones asturianes)
– 100 g d’azucre blanco (pue sustituyise por panela o miel)
– 1 ramina de canela
– La pulgu d’un limon
– Un vasu pequenu d’agua
Preparacion
De primeres, pulga les mazanes, quita-yos el corazon y cortales en cachinos pequenos. Ponles nuna cazuela xunto col azucre, la ramina de canela, la pulgu de limon y el vasu d’agua. Tapa la cazuela y dexa cocer a fueu mediu-baxu durante unos 30-40 minutos, removiendo de xemes en cuando por que nun s’apegue.
Cuando les mazanes tean bien blandiegues y se desfaigan con facilida, retira la ramina de canela y la pulgu de limon. Pasa too pola batidora si quies una testura mas fina, o dexalo con cachinos si te presten mas los tropezones. Dexa enfriar y guardalo na nevera.
Conseyos
La compota de mazana pue tomase en friu, recien fecha, o caliente acompanada d’un yogur o unes galletes. Ye un postre ideal pa los meses de seronda, cuando les mazanes tan nel so meyor momentu. Amas, ye una forma perfauta d’aprovechar les mazanes que se van poniendo males na frutera.
