Asturies tien una montonera compañíes de teatru qu’usen l’asturianu nes sos representaciones. Dende’l teatru amateur al profesional, dende les obres contemporánees al teatru costumista clásicu, presentámoste cuatro compañíes comprometíes col idioma.
COMPAÑÍA ASTURIANA DE COMEDIES
Acabante cumplir cien años sobre los escenarios, la Compañía Asturiana de Comedies ye un referente hestóricu del teatru costumista asturianu. Al entamu del sieglu XX entamó la so actividá con obra de Pachín de Melás y nos años cincuenta vivió la so dómina dorada con actuaciones internacionales en países americanos. Dempués d’un parón qu’entamaría nos años sesenta, torna en 1986, con Arsenio González, Eladio Sánchez, Pili Ibaseta o Josefina García y un gran ésitu que lleva a que dende 1999 cada mes d’agostu tean sobre l’escenariu del Teatru Xovellanos de Xixón trés díes consecutivos y con un ésitu ablucante. Anguaño, les nueves xeneraciones ábrense pasu nel grupu con un nuevu director al frente, Sergio Buelga y actores como Armando Felgueroso, Mar Buelga, Norberto Sánchez o Mario Valdés.
Más información: http://cia-asturiana.blogspot.com.es/
GRUPU DE TEATRU TELÓN DE FONDO
El grupu de teatru Telón de Fondo nace en 1973 en Xixón como grupu de empresa de la antigua ENSIDESA, siendo na actualidá ún de los grupos más viejos d’Asturies. A partir de 1985 se desvincula de la empresa y se conforma como grupu de teatru independiente. Enseguida se comprometen cola utilización del asturianu y tienen montaes obres de autores internacionales traducíes al asturianu, así como obres clásiques de autores asturianos, como El Ensalmador, de Antón de Marirreguera, primer autor conocíu en llingua asturiana. El grupu fai so montajes sobremanera n’Asturies, en un deseo de contribuir dende el escenariu a la normalización del asturianu y la cultura d’Asturies, lo que nun tardo en llevar sos actuaciones a otros llugares ente otros: Lisboa, Madrid, Bruselas, Lieja, etc.
PRODUCCIONES NUN TRIS
Fundada como agrupación semiprofesional en 1992, y dempués definitivamente profesional nel 1997, Producciones nun tris ye la obra de Inma Rodríguez y Antón Caamañoque xunto a más de 150 persones que han pasáu por el grupu en estos años, ha conseguíu crear obres de gran valor. Más de cincuenta espectáculos producíos, pa too tipu de públicu y de toos los estilos. Clásico, teatru y danza contemporáneo, ópera pa neños y neñes, comedia del arte, cai, zarzuela, drama, comedia… De estos cincuenta, más o menos la mitad tienen al asturianu como llingua vehicular, siendo algunes bilingües, convirtiéndose nel grupu profesional que más ha arribáu al teatru en asturianu en estes ultimes decaes, con obres y montajes como «El caballeru de la triste figura», «La Vixigona en un tien remedio», «Los sucesos de Nelón» o «Letras de un castaño».
Más info: www.nuntristeatro.com/as
HIGIÉNICO PAPEL
Esti grupu de teatru profesional fórmase en 1996 y dende entós lleva producíos más de trenta espectáculos de gran diversidá temática y espresiva, siempres marcaes por un cuñu personal que conxuga toques d’humor, provocación, y poesía. Magar qu’a lo llargo d’estos años la compañía trabayó los más diversos xéneros (infantil, humor, adultos, cai, cabaré, pequeñu formatu, títeres, teatru clásicu, teatru xestual…) destaquen con especial fuercia los sos espectáculos pa públicu infantil y familiar, amás los espectáculos d’humor para mozos y adultos. Otru de los puntos fuertes de l’agrupación ye la creación, dirección y puesta n’escena de toa triba d’intervenciones teatrales a la carta: animaciones, presentaciones, gales, sketches, espectáculos de temátiques específiques pa eventos, etc… Delles de los sos espectáculos pueden atopase n’asturianu, como “Árbol”, “Nunca nun se sabe” o “Una casa”.
Más info: www.higienicopapel.com
