La Navida n’Asturies ta enllena de tradiciones propies que, anque dalgunes tuvieren a puntu de perdese, anguano tan recuperandose con mas fuerza que nunca. Equi recoyemos cuatro de les mas destacaes que formen parte del patrimoniu inmaterial asturianu.
El Nataliegu
Ye esta una tradicion que se da en munchos otros territorios europeos, con distintos nomes y variaciones. N’Asturies tenemos testimoniu de persones qu’enta anguaño viven en conceyos como Casu, Grau o Llaviana, que recuerden como nel dia de Nuechebona solia echase al fueu un tueru, polo xeneral de carbayu, sobre’l restu del tueru quemau del añu anterior que se guardaba. Al otru dia, col fueu ya apagau, recoyiase parte de les sos cenices y guardabense pal añu siguiente, cuando volvia facese’l mesmu ritual. Esti fueu trayia fertilida a la casa y al ganau, y defendia a la familia ante’l mal. Anguaño ta recuperandose nes cases, col fueu de verda o sustituyendo esti por adornos de lluz electrico alredor del tueru.
El Principe Aliatar
Ibrahim Aliatar yera un noble guerreru del reinu nazari de Granada que llego a ser caudiellu d’estos territorios. El valor qu’esti home tenia na batalla foi compensau pol rei del momentu, Boabdil, y fixo que se casara cola so fia, Morayma, de la que llevaba enforma tiempu namorau. Esti fechu fixo que se convirtiera nel Principe Aliatar, nome pol qu’anguaño ye reconociu. Muertu nel campu de batalla, na guerra de Loxa, esti guerreru recuerdase na hestoria nazari con gran ciñu, tantu poles sos fazañes como pola so bona rellacion col rei Boabdil, convirtiendose nun heroe llocal. El so trabayu como mensaxeru del reinu yera motivu suficiente pa convertilu nel personaxe perfectu pa facer d’emisariu que recoyera les cartes de los neños y les treslladara a los Reis Magos. Anque’l so principal ambitiu d’apaicion ye, loxicamente, nes zones andalusis como Granada o Loxa, n’Asturies tamien tien un papel bien importante nes cabalgates.
L'Anguleru
Esti personaxe pasa tol añu n’alta mar, como’l so nome indica, pescando angula y torna a tierra na viéspora del Dia de Navida pa traenos los nuesos regalos (siempres que nos portaremos bien tol añu). La figura del Anguleru naz d’un cuentu popular de Navida nel añu 2008 y ye una propuesta de l’Asociacion Cultural Garabuxada de L’Arena pa tener una perspectiva asturiana nestes feches. Amas de la figura del Anguleru, tamien surdio’l personaxe de Lolina la Rulera, qu’ayuda al Anguleru pa que too tea listo pal so desembarcu. Los dos percuérren Asturies en Nuechebona guiaos pola llume, que ye’l fueu maximu de quemar el tueru. Estes nueves tradiciones, como otres que s’empiecen a recuperar, son ideales pa caltener la cultura asturiana en futures xeneraciones ensin perder l’espiritu navidiegu que tanto-y presta a la reciella.
El Ramu Nadal
El Ramu Nadal ye un de los adornos navidiegos asturianos mas antiguos, con un orixe bien llonxanu, datao dende enantes de la llegada del cristianismu, y equivalente al arbol de Nadal que se suel poner nes cases nos meses d’avientu y xineru. Esti oxetu ta formau por una cadarma de madera triangular na que s’alluguen 12 veles (simbolizando los meses del añu). Amas, d’esta cadarma tamien se cuelguen ofrendes, como rosquielles o frutes, y dellos elementos ornamentales, como bordaos o filos de llana, ente otros. Esta tradicion, antaño bien estendida per Asturies y Llion principalmente, foi perdiendo puxu col pasu del tiempu por ser un elementu paganu, anque dempues la ilesia acabare asimilandola, en viendo que nun se desaniciaba magar los sos esfuerzos por prohibila. Anguaño l’usu d’esti adornu nes feches navidiegues va garrando mayor presencia, polo que podemos ver como esta tradicion, cuasi desaniciada, ta recuperandose y estendiendose a zones onde nun yera mui comun atopar esti tipu de xeres.
