Camping Playa Sauces
Si precises escapate unos díes y arrodiate de tranquilidá y naturaleza, ensin dulda el to llugar ye’l Camping Playa Sauces, un camping qu’esti 15 de xunetu celebra’l so 40 aniversariu onde va haber fabada pa toos acompañada pela Banda de Gaites de Ribeseya, fiesta de la espluma y música en directu. Y por si fuera poco, ta arrodiáu d’enclaves paradisiacos, como la sablera de Ribeseya o les cueves de Tito Bustillo. Equí, vas poder esfrutar de comida casera, escursiones, rutes a caballu, conciertos… amás de parque infantil, animación y talleres para los más pequenos. Cunten con 165 parceles de 60 metros caúna y con toma llétrica. Si prefieres, puedes tamién esfrutar d’unu de los sos bungalows dafechu forníu p’hasta cinco persones. Amás, agora tamién cunten con glamping destinaos a grupos deportivos y escolares. ¡Nun esperes más y reserva yá les tos vacaciones!
Dirección: Carretera de San Pedro s/n, Ribeseya
Teléfonu: 985 86 13 12
Páxina web: campingplayasauces.es
Camping Perlora
Si tas buscando un camping costeru, encamentámoste’l Camping Perlora, asitiáu nel conceyu de Carreño y con accesu directu a una cala, pa que les tos vacaciones seyan con un total descansu o ociu. Tanto nel camping como na so contorna vas poder esfrutar de la práctica de munchos deportes y a solu 10 minutos de la villa de Candás al traviés del paséu marítimu caminando, otra manera más de caltenete activu nes tos vacaciones ensin dexar de conocer nuevos llugares. Amás, tienen Apartamentos Perlora a 150 metros del camping, polo que si busques una estancia más duradera, estos agospiamientos son tamién una bien bona opción pal to descansu y esfrute. ¿Entá te tas pensándolo? El camping que precises ye Camping Perlora.
Dirección: Barriu Perán s/n, 33491 Perlora
Teléfonu: 985 87 00 48
Páxina web: campingperlora.com
Camping Villaviciosa
En Camping Villaviciosa saben lo guapo que ye’l territoriu asturianu y, por eso, guardaron un cachu del paraísu pa ti, seya como quier el to plan. Equí vas tener espaciu pa tiendes de campaña, autocaravanas… o si prefieres, acutar un bungalow. Piscines, pistes deportives, cancha de pádel, petanca, ximnasiu y sauna son dalgunos de los munchos espacios colos que cunta esti camping. Amás, el so allugamientu mui cerca de la Sablera de Rodiles, tamién te va dexar esfrutar de la práctica del surf. Sicasí, la gran novedá anguaño ye’l parque de mascotes, porque ellos tamién merecen tener el so espaciu. Por eso, si viaxes cola to mascota esti ye’l to llugar. ¡Nun lo duldes y reserva yá!
Dirección: Cai Busta s/n, Villaviciosa
Teléfonu: 629 55 31 52
Páxina web: campingvillaviciosa.es
Camping San Pedro La Ribera
Si tu plan de branu ta nel occidente, te recomendamos ensin duda que te alojes nel camping de San Pedro La Ribera, nel conceyu de Cuideiru. Esti camping atópase a escasos metros de la bonita playa de San Pedro La Ribera y rodeáu de los maravillosos paisaxes del Valle de les Lluiñas y mui cerca de llugares como el Cabu Vidío o la propia villa de Cuideiru. El camping cuenta con parceles nes que acampar y bungalows con toes les comodidaes, amás de un parking y zones de ocio pa adultos y pequeños. El ocio tamién ta servíu,con conciertos al aire libre pa poder esfrutar de la música en directo y otres munches opciones. Y si quieres conocerlo, en so web tienen disponible una visita virtual. ¡Cuideiru y San Pedro son siempre una buena opción!
Dirección: Cai Cuesta, 7, Cuideiru
Teléfonu: 985 59 73 16
Páxina web: campingsanpedro.es
