D’escursion n’Os Ozcos: un llugar pa los suanos

Os Ozcos ye un llugar pa los suanos. Esta comarca algamo’l titulu de Pueblu Exemplar d’Asturies nel anu 2016 y anguano forma parte de la reserva de la Biosfera Ozcos-Eo. Esti territoriu, que lu componen los conceyos de Santalla, Samartin y Vilanova (toos ellos col apelliu d’Ozcos), ufierta unos paisaxes espectaculares y un monton d’actividaes que te treslladaran al pasau. Traemoste un plan coles meyores coses que facer y visitar pa que nun pierdas nada.

N’Os Ozcos hai una gran tradicion artesana. Ello ye que munchos de los sos habitantes enta se dediquen, con bien d’arguyu, a l’artesania. Ye una tradicion que se caltien y qu’inclusive ta teniendo un repunte nos ultimos tiempos. Nun mundu agora cargau de xaru y estres, munches persones visiten esti llugar tan idilicu pa esfrutar de la tranquilida y de la hospitalida de los sos habitantes.

En Santalla d’Ozcos vas adientrate nun mundu de ferreros. De fechu, nel pueblu de Mazonovo conservase una de les ferreries mas antigues d’Asturies, que data de primeros del sieglu XVII. Y per tola villa de Santalla, capital del conceyu, vas poder ver escultures de fierro feches polos mesmos ferreros. Pues facer una parada na sablera fluvial de Ferreira pa folgar, dar un banu nel riu Agueira o asoleyate relaxau nel area recreativa. Nun pues marchar ensin visitar la Casa del Marcu (Musu de la Casa Llabradora) en Samartin d’Ozcos. Equi vas poder descubrir como yera la vida rural de va sieglos y ver telares, fornos de pan, ferramientes de carpinteria…

Nel mesmu conceyu atopase’l Palaciu de Mon, que data de finales del sieglu XVII y principios del XVIII. Si te gusta l’arquitectura ye una parada obligatoria na to escursion. Amas, en Vilanova d’Ozcos vas poder visitar el Monesteriu de Santa Maria. L’Ecomuseu del Pan tamien ye una bona opcion si t’interesa la ellaboracion del pan.

N’Os Ozcos ye imposible aburrise. Pues acutar cursos pa deprender a ellaborar xabones, veles, cosmetica natural o inclusive cerveza. Si te presten los animales pues escoyer una ruta a caballu. Y si lo que quies ye, a cencielles, esfrutar de los maraviyosos paisaxes y de la naturaleza, tienes mas de quince rutes pa escoyer en tola contorna. Visitar estos pueblos ye una oportunida pa conectar cola naturaleza y desenvolver nueves habilidaes deprendiendo de verdaderos artesanos. Un mundu enllenu d’ociu y cultura por descubrir.