Atopamonos nel puntu mas septentrional d’Asturies. Mas al norte imposible. Falamos del Cabu Penes, asitiau nel conceyu de Gozon, que tien por capital la preciosa villa marinera de Lluanco, antiguu puertu balleneru. Dende’l vertigu y abilsu que provoca un de los cabos mas impresionantes de la xeografia de tola peninsula, asomamos al Cantabricu a mas de 100 metros sobre’l nivel de la mar y onde esti s’espresa con tola so rabia, quedando una espluma blanco, brilloso y vivo. Equi podemos sentanos a imaxinar mientres les gaviluetes nos sobrevuelen y esfrutar de les ablucantes dimensiones del cabu y la guapura d’esti espaciu qu’alluga una fauna y flora unica.
Dende 2014 el Cabu Penes pertenez a la Rede Europea Natura 2000. Tratase d’un espaciu protexiu, paraxe d’una esquisita guapura, salvaxe y natural. Llar d’aves marines pero tamien de cetaceos, lo mesmo que d’una vexetacion onde destaca l’uz. Podemos aventuranos na busca d’otros cantiles y sableres destacaos como la sablera de Xago, Banugues o’l castru de La Herbosa, la segunda islla mas grande na marina asturiana. Dende lo alto de La Gaviera (94 metros), el picu mas septentrional de tol cabu, podemos ver dellos cabos mas.
Acompana al cabu’l Faru de Penes, el mas importante y de mas algame de la marina asturiana. Enantes de 1852 senalizabase col fueu, quemando tueros de llena nuna pantalla de piedres qu’allumaba la nueche ya indicaben el regresu a casa dempues de la xera nel mar. Dende 1852 alluma a los marineros nortenos siendo la so guia. El so fexe de lluz algama dende les 18 hasta les 41 milles dependiendo de la meteoroloxia. Recular nel tiempu ya imaxinar una senalizacion tan basica, fainos albidrar una navegacion realmente adversa y dificil en prauticamente toles condiciones. Los marineros al ver de llone esti faru que ya nos apavoria dafechu a nos, aliviabense al tar a salvu nel so barcu empuestu escontra puertu. Elli asitiase agora’l Centru d’Interpretacion Marina del Cabu Penes.
