La cai La Ferreria, enllena de soportalaes, ye una de les cais con mas restos del Aviles medieval. La via foi nel so dia la principal ente les qu’escurrien dientro de les muries de la villa. Cais tranquiles, places, ilesies y fachaes singulares conformen un cascu historicu propiu de la domina medieval. Como la soportalada cai Galiana, con 252 metros de paseu a cubiertu y un encantador estilu que nos tresllada a tiempos pasaos. A pesar del pasu de los anos y de la baltadera de la muria que guardaba la villa nel sieglu XIX, Aviles caltien unu de los cascos historicos mas importantes d’Asturies. Un paseu pel corazon de la villa basta p’apreciar importantes muestres del pasau. Un conxuntu unicu que foi declarao Conxuntu Historicu Artisticu.
Esti viaxe al pasau entama na Plaza’l Parche, centru neuralxicu de la villa dende va sieglos y testigu de bona parte de la so hestoria. El Conceyu d’Aviles, el primer edificiu noble llevantau fuera de la ciudá cercada, alla pel sieglu XVII, preside esti espaciu d’estetica renacentista que dexa al visitante tomar el camin que meyor-y convenga. Ente el, allugase’l Palaciu del Marques de La Ferrera, anguano reconvertiu n’hotel y unu de los meyores exemplos del heriedu barrocu de la ciudá. Foi alzao ente los sieglos XVII y XVIII nel estremu de la plaza que daba salida escontra Grau per Galiana. L’edificiu, de gran sobrieda, destaca pola so torre n’escuadra, una de les mas orixinales de l’arquiteutura civil asturiana. La fonte de los caños de San Francisco separta’l palaciu de la ilesia de San Nicolas de Bari, l’antiguu conventu que la comunida franciscana edifico al llegar a Aviles nel sieglu XIII. Anque sufrio numberosos tresformamientos a lo llargo del tiempu, entuavia caltien el porticu de la fachada norte, transicion arquitectonica del romanicu al goticu.
La casa de Garcia Pumarino, un indianu que fizo fortuna en Peru, retruca la estetica del edificiu consistorial, con siete arcos hacia la cai y ventana sobro caun d’ellos. Pero si hai un edificiu que simboliza’l barrocu asturianu esi ye’l palaciu de Campusagrau. Ye un conxuntu qu’escurria en paralelu a l’antigua muria y axunta vistosida y elegancia arquitectonica. La fachada sur, atribuyida a los arquitectos avilesinos Menendez Camina, consta de dos torres llaterales simetriques, dambes blasonaes, y un cuerpu central rectangular presidiu pol monumental escudu de Bernaldo de Quiros, marques de Campusagrau. Mui cerca d’elli, allugase’l palaciu de Valdecarzana, que data del sieglu XIV. Tratase del edificiu civil mas vieyu d’Aviles. Ye, coles mesmes, la meyor representacion de l’arquiteutura gotica de la ciudá y nel que destaquen les ventanes xerminaes de la primer planta. L’arte neogoticu tamien ta presente en dalgunos detalles del palaciu de Maqua, llevantau ente los sieglos XIX y XX.
La naturaleza tamien ye protagonista nel conxuntu que conforma’l cascu historicu avilesin. El parque de Ferrera, el pulmon del centru de la ciudá, combina’l parque d’estilu ingles y el xardin frances nos sos 81.000 metros cuadraos de praos, estanques y arboles centenarios. Mui cerca d’elli, la plaza del Carbayedo, en otro tiempo una zona de monte, ye güei zona d’establecimientos gastronomicos y espardimientu familiar, pel dia, y ambiente xuvenil na nueche. Sicasi, entuavia caltien restos de l’antigua identida agricola. Un horru, simbolu de l’arquiteutura rural asturiana, preside la plaza, en que la so parte alta atopa la capiella de Xesus de Galiana.
