La cultura va tener un nuevu llar nel Conceyu de Grau. El Centru Cultural de Grau perfilase como un espaciu modernu, accesible y enllenu de vida, onde van convivir el teatru, la musica, el cine y multiples espresiones artistiques. Mas qu’un edificiu, va ser un puntu d’alcuentru pa la ciudadania, un llugar nel que compartir esperiencies, afayar talentos y esfrutar de la fuerza tresformadora de la cultura.
El nuevu equipamientu va cuntar con un auditoriu diseñau con una marcada inspiracion sesentera. Les sos barandielles y butaques de formes curves, xunto coles orixinales bovedes en forma de concha que coronen la sala, van crear un ambiente singular. Amas, estes bovedes nun tienen namas calter esteticu, sinon que tamien ayuden a ameyorar l’acustica, especialmente na parte trasera del patiu de butaques, que va disponer de 250 places.
El Centru Cultural concibiose como un espaciu versatil, capaz d’acoyer teatru, conciertos o sesiones de cine. La planta cimera va allugar una sala polivalente de 91 m², tamien accesible, pensada pa talleres, xuntes o otres actividaes. Y na parte mas alta del edificiu, una amplia terraza va ufiertar la posibilida d’esfrutar d’eventos al campu con unes vistes privilexaes.
Amas de la so arquitectura y de la calida de les sos instalaciones, esti proyeutu representa un apueste firme pola cultura como motor de tresformamientu social. Cada funcion teatral, cada pelicula proyectada o cada nota musical que resone nel so auditoriu va contribuyir a arriquecer la vida de quien lo visite.
